QR Úkimetiniń Indýstriia jáne infraqurylymdyq damý ministrliginiń fýnktsiiasyn keńeitetin jańa qaýlysy shyqty, dep habarlaidy QazAqparat.
QR Úkimetiniń 2022 jylǵy 27 qańtardaǵy №31 Qaýlysynda QR Indýstriia jáne infraqurylymdyq damý ministrligi atqaratyn fýnktsiialardyń qataryna jeke turǵyn úi qorynan jalǵa alynatyn turǵynjai úshin azamattardyń jekelegen sanattaryna tólemder taǵaiyndaý jáne olardy júzege asyrý qaǵidalaryn ázirleý, bekitý fýnktsiiasy beriletini aitylǵan.
«Kórsetilgen qaýlymen bekitilgen QR Indýstriia jáne infraqurylymdyq damý ministrligi týraly erejeniń 16-tarmaǵyndaǵy ortalyq apparattyń fýnktsiialary mynadai mazmundaǵy 659-2) tarmaqshamen tolyqtyrylsyn:
Jeke turǵyn úi qorynan jalǵa alynatyn turǵynjai úshin azamattardyń jekelegen sanattaryna tólemder taǵaiyndaý jáne olardy júzege asyrý qaǵidalaryn ázirleý jáne bekitý».
Osy qaýly qol qoiylǵan kúninen bastap qoldanysqa engiziledi jáne resmi jariialanýǵa tiis», - delingen Qaýlyda.
Eske salaiyq, baspanaǵa asa muqtaj azamattarǵa qaitalama naryqta baspanany jalǵa alǵany úshin tólem taǵaiyndaý tapsyrmasyn Memleket basshysy Qasym-Jomart Toqaev bergen bolatyn.
Osyǵan sáikes QR Úkimeti Indýstriia jáne infraqurylymdyq damý ministrligine azamattardyń áleýmettik jaǵynan az qamtylǵan sanattaryna jeke turǵyn úi qorynan turǵyn úidi jaldaý úshin tólemderdi taǵaiyndaý jáne tóleý tártibin aiqyndaý jóninde ókilettikter beretin Qaýly qabyldady.
Keshe QR IIDM jalǵa alynǵan úidiń qunyn memleket esebinen óteý boiynsha sharttardy jariialady. Ministrlik málimetinshe, búgingi tańda ázirlengen sharttarǵa sáikes keletin 70 myń azamat bar. Arendalyq úidiń quny «50% memleket, qalǵan 50% jalǵa alýshy tóleidi» negizinde óteledi.
