قر ٷكٸمەتٸنٸڭ يندۋسترييا جەنە ينفراقۇرىلىمدىق دامۋ مينيسترلٸگٸنٸڭ فۋنكتسيياسىن كەڭەيتەتٸن جاڭا قاۋلىسى شىقتى, دەپ حابارلايدى قازاقپارات.
قر ٷكٸمەتٸنٸڭ 2022 جىلعى 27 قاڭتارداعى №31 قاۋلىسىندا قر يندۋسترييا جەنە ينفراقۇرىلىمدىق دامۋ مينيسترلٸگٸ اتقاراتىن فۋنكتسييالاردىڭ قاتارىنا جەكە تۇرعىن ٷي قورىنان جالعا الىناتىن تۇرعىنجاي ٷشٸن ازاماتتاردىڭ جەكەلەگەن ساناتتارىنا تٶلەمدەر تاعايىنداۋ جەنە ولاردى جٷزەگە اسىرۋ قاعيدالارىن ەزٸرلەۋ, بەكٸتۋ فۋنكتسيياسى بەرٸلەتٸنٸ ايتىلعان.
«كٶرسەتٸلگەن قاۋلىمەن بەكٸتٸلگەن قر يندۋسترييا جەنە ينفراقۇرىلىمدىق دامۋ مينيسترلٸگٸ تۋرالى ەرەجەنٸڭ 16-تارماعىنداعى ورتالىق اپپاراتتىڭ فۋنكتسييالارى مىناداي مازمۇنداعى 659-2) تارماقشامەن تولىقتىرىلسىن:
جەكە تۇرعىن ٷي قورىنان جالعا الىناتىن تۇرعىنجاي ٷشٸن ازاماتتاردىڭ جەكەلەگەن ساناتتارىنا تٶلەمدەر تاعايىنداۋ جەنە ولاردى جٷزەگە اسىرۋ قاعيدالارىن ەزٸرلەۋ جەنە بەكٸتۋ».
وسى قاۋلى قول قويىلعان كٷنٸنەن باستاپ قولدانىسقا ەنگٸزٸلەدٸ جەنە رەسمي جارييالانۋعا تيٸس», - دەلٸنگەن قاۋلىدا.
ەسكە سالايىق, باسپاناعا اسا مۇقتاج ازاماتتارعا قايتالاما نارىقتا باسپانانى جالعا العانى ٷشٸن تٶلەم تاعايىنداۋ تاپسىرماسىن مەملەكەت باسشىسى قاسىم-جومارت توقاەۆ بەرگەن بولاتىن.
وسىعان سەيكەس قر ٷكٸمەتٸ يندۋسترييا جەنە ينفراقۇرىلىمدىق دامۋ مينيسترلٸگٸنە ازاماتتاردىڭ ەلەۋمەتتٸك جاعىنان از قامتىلعان ساناتتارىنا جەكە تۇرعىن ٷي قورىنان تۇرعىن ٷيدٸ جالداۋ ٷشٸن تٶلەمدەردٸ تاعايىنداۋ جەنە تٶلەۋ تەرتٸبٸن ايقىنداۋ جٶنٸندە ٶكٸلەتتٸكتەر بەرەتٸن قاۋلى قابىلدادى.
كەشە قر ييدم جالعا الىنعان ٷيدٸڭ قۇنىن مەملەكەت ەسەبٸنەن ٶتەۋ بويىنشا شارتتاردى جارييالادى. مينيسترلٸك مەلٸمەتٸنشە, بٷگٸنگٸ تاڭدا ەزٸرلەنگەن شارتتارعا سەيكەس كەلەتٸن 70 مىڭ ازامات بار. ارەندالىق ٷيدٸڭ قۇنى «50% مەملەكەت, قالعان 50% جالعا الۋشى تٶلەيدٸ» نەگٸزٸندە ٶتەلەدٸ.
