Ninety One tobynyń múshesi ZAQ júrgizýshi, shoýmen Mádi Turǵynbaevqa bergen suhbatynda jarymen qalai tanysqanyn aityp, kútpegen málimdeme jasady, - dep habarlaidy Massaget.kz.
Júrgizýshiniń sózinshe, olar 5 jyl buryn "Sý asty" klipinde tanysqan. Al ánshi bir kórgennen ǵashyq bolǵanyn aitty.
"Ómirim ózgerdi, kózqarasym ózgerdi. Birinshi ret kórgende, erekshe ekeni kórinip turdy. Bir kórgennen ǵashyq boldym. Ony túsiný úshin asa bir sóilesip te qajet emes boldy.
...Týrymyz bastaldy. Týrda áńgimelesip, sóilese bastadyq. "Baiaý" beinebaiannyń túsiriliminde ekeýmiz jalǵyz qalyp, sóilesip qaldyq", - deidi ánshi.
Al ánshiniń jary birinshi kezdesýde eshteńe sezbegenin jetkizdi. Sondai-aq, qashan jaqsy sóilese bastaǵanyn áńgimeledi.
"Tanysqan kezde eshteńe sezbedim. Óitkeni uialamyn. Meniń "makiiaj jasaǵanda kózge tike qaramaý" degen erejem boldy. Ol kezde bárinen uialdym. ...Ol menen kishi, inimdei qabyldadym. Eń basynda jigit retinde qaramadym. Uzaq jol kezinde áńgimelestik.
...Týrne kezinde túsindim. Olarmen jumys istegenime 4 ai boldy. Bir qaladan ekinshi qalaǵa barǵanda, uzaq jol boldy. Otyryp, áńgime aittyq. Ádeii boldy ma nemese kezdeisoq pa, bilmeimin. Men ádette jalǵyz otyratyn edim. Bala aýysýymdy surady. Ol jalǵyz otyrǵysy keldi. Men onyń qasyna otyrdym, túni boiy áńgime aittyq. Birdei oilaitynymyzdy túsindim... ", - dedi Jadyra.
Ánshi oǵan úilenýge usynys jasamaǵan. ZAQ-tyń jary Jadyra buǵan qalypty qaraǵanyn aitty.
"Negizi 3,5 jyl buryn nemese 4 jyl buryn nekemizdi qidyq. Keiin úilengen bolǵan soń birtúrli shyǵar dep oiladyq", - dedi ánshiniń jary.
Al ZAQ-tyń sózinshe, tek AHAJ-da qol qoimaǵan, qalǵan rásimder ótken.
"Neke qidyq, qudalyq boldy, qazaqtyń dástúri boiynsha ne bolý kerek, bári boldy. Tek resmi túrde jariialamadyq jáne AHAJ-da qol qoimadyq. 4 jyl nekede bolǵan soń birtúrli, maǵynasy joq siiaqty. Jadyra i said yes degen nárselerge mán bermeidi. Ishtei báribir qalaý bolady ǵoi. Men ondai romantik te emespin", - dedi ánshi Ninety One tobynyń múshesi.
