Halyqaralyq "Shekarasyz tilshiler" uiymy (RSF) Frantsiia biligin qýǵynda júrgen ázerbaijan blogeri Muhammed Mirzalidiń qaýipsizdigin qamtamasyz etýge shaqyrdy. Osy aidyń ortasynda Frantsiiada Mirzalidi bireýler pyshaqtap ketken, artynsha onyń telefonyna qoqan-loqy habarlamalar túsken.
2016 jyldan beri Frantsiiada turatyn Mirzali Muhammedti 14 naýryzda Nant qalasynda bir top adam uryp-soǵyp, 16 ret pyshaq suqqan. 24 naýryzda jariialaǵan málimdemesinde quqyq qorǵaý uiymy muny oppozitsiialyq blogerdiń únin óshirý amaly dep ataǵan.
Mirzali sonyń saldarynan "alty saǵattan astam ýaqytqa sozylǵan" operatsiiany bastan keshirýge májbúr boldy dedi uiymnyń Shyǵys Eýropa jáne Ortalyq Aziia boiynsha bóliminiń jetekshisi Janna Kavele málimdemede. Avtor Ázerbaijan biliginiń pikir aitý quqyǵyn paidalanyp, kózqarasyn ashyq aitqandardy qýdalaitynyn synaǵan.
Frantsýz politsiiasy tergeý amaldarynyń barysyn habarlamady. RSF-nyń aitýynsha, 21 naýryzda bloger "bul sońǵy eskertý" degen jazýy bar habarlama alǵan. Ol ázerbaijan tilinde jazylǵan. Onda blogerge eger "ápke-qaryndastardy" qorlaýyn toqtatpasa, "snaipermen basynan atyp óltiretini eskertilgen".
