Qala ákimi Baqytjan Saǵyntaev Instagram paraqshasynda Halyk Arena gospitalinde daiyndyq qalai júrip jatqanyn jazdy, dep habarlaidy "Ult aqparat".
Ákim jalpy qaladaǵy infektsiialyq jáne provizorlyq aýrýhanalarǵa qosymsha oryndar uiymdastyrý týraly jazdy.
«Qaladaǵy juqpaly jáne provizorlyq statsionarlar úshin qosymsha ashylýǵa tiis oryndardyń uiymdastyrý barysymen tanystym. Halyk Arena-da 1 myń orynǵa arnalǵan statsionar ashylady. Sonyń ishinde reanimatsiialyq 60 oryn ashylady. Daiyndyq barysynda sanitarlyq qaýipsizdiktiń eń qatań talaptary eskeriledi. Taza jáne las aimaqtarǵa arnalǵan shliýzder men týnnelder, jeldetý jáne zalalsyzdandyrý júieleri ornatyldy. Kezeń-kezeńimen meditsinalyq jabdyqtar ornatylady. Dárigerlik brigadalar daiyndalýda. Jaqynda arada bul jer alǵashqy patsientterdi qabyldaidy», - dedi B. Saǵyntaev.
«Qabyldanǵan sharalardyń arqasynda Memleket basshysynyń tapsyrmasyna sáikes qajetti oryndar rezervi qurylatyn bolady», - dedi ol.
Búginde Almatyda qaýipti indetti juqtyrǵan naýqastardy emdeý úshin 4 669 orynǵa arnalǵan 21 meditsinalyq uiym jumys isteidi.
