Jýyrda Májilis depýtaty Merýert Qazbekova Premer-Ministr Baqytjan Saǵyntaevqa depýtattyq saýal joldap, bir keleńsiz jaitty jetkizdi. Salyqty qaitse de kóbeitýdiń jolyn izdegen osy salanyń sheneýnikteri qara sýǵa salynatyn salyqty da arttyryp jiberipti. Másele, demalys úileri men shipajailarda qoldanylatyn emdik mineraldy sýlarǵa bailanysty.
Qara jerdiń qyrtysynan qazylyp shyǵarylyp, ony emdelýshilerge jaily jaǵdaida (vannalarda) jetkizgen kásipker endi 1 tekshe metr osyndai sý úshin 2141 (AEK qazirgi mólsheri) teńge salyq tóleitin bolypty. Al 1 tekshe metr emdik sýyńyz eki vannaǵa ǵana jetedi. Sóitip, emdelýshiler úshin bul sý endi altynǵa ainalaiyn dep otyr eken. Óitkeni, paida tabý úshin kásipker de ony paidalanýdyń baǵasyn da bálen ese ósiredi ǵoi. Sondyqtan shipaly mineraldy sýmen emdelemiz dep shipajailarǵa baratyn jandar qaltalaryn eselep qalyńdatyp qana bara alady. Biraq sondai aqsha halqymyzda bola berse jaqsy ǵoi...
Depýtat Premerge osynyń ádiletsiz ekenin aitady. Sý shyǵaryp, shipajai úshin ásem ǵimarattar turǵyzyp, emdik tehnikalar jetkizip, halyqqa qyzmet kórsetip jatqan kásipkerlerdi qoldaýdyń ornyna úkimettiń onyń biznesin salyqpen tunshyqtyrý saiasatyn ustanǵany nesi? Sondyqtan osy máseleni qaita qarap, salyq stavkasyn azaitýyńyzdy ótinemin delingen saýalda.
Serik ELEÝ, sarapshy
Ult portaly
