Pandemiiaǵa bailanysty jáne adamdardyń jappai jinalýyn boldyrmaý úshin Jaqsylyq Úshkempirovti aqtyq saparǵa shyǵaryp salý rásimine otbasy músheleri ǵana qatysady, dep habarlaidy "Ult aqparat".
Jaqsylyq Úshkempirovtiń týystary kóńil aityp, qoldaý qórsetken barsha qazaqstandyqtarǵa, Memleket basshysy Qasym-Jomart Toqaevqa Qazaqstan Respýblikasynyń Tuńǵysh Prezidenti - Elbasy Nursultan Nazarbaevqa alǵys bildirdi.
«Jerleý rásimi tek otbasy músheleriniń qatysýymen ǵana ótedi. Al ony eske alýǵa arnalǵan is-sharalar bir jyldan keiin uiymdastyrylady»,– delgen habarlamada.
Eske salaiyq, tamyzdyń ekisi kúni 70 jasqa qaraǵan shaǵynda, grek-rim kúresinen tuńǵysh Olimpiada chempiony, Álem chempiony, Qazaqstannyń Eńbek eri, «Barys», «Qurmet» «Parasat» ordenderiniń iegeri Jaqsylyq Úshkempirov ómirden ozdy.
