Memleket basshysy Qasym-Jomart Toqaev dańqty palýan, Qazaqstannyń Eńbek Eri Jaqsylyq Úshkempirovtiń otbasyna kóńil aitty, dep habarlaidy Aqorda.
Prezident Qasym-Jomart Toqaev dańqty palýan, Olimpiada chempiony, Halyqaralyq dárejedegi sport sheberi, Qazaqstannyń Eńbek Eri, belgili kásipker Jaqsylyq Ámiráliuly Úshkempirovtiń dúnieden ótýine bailanysty onyń otbasy men jaqyndaryna kóńil aityp, jedelhat joldady.
«Jaqsylyq Ámiráliuly elimizde sport salasynyń keń qanat jaiýyna atsalysty jáne jastarǵa úlgi boldy. Óńirlerdi órkendetý maqsatynda sport keshenderin salyp, jas sportshylardyń ósip-jetilýi jáne aýyl sharýashylyǵynyń damýy jolynda qyrýar is atqardy. Eseli eńbegimen, azamattyq qadir-qasietimen el ishinde qurmetke bólenip, sońynda óshpes iz qaldyrdy. Marqumnyń jany jánnatta, imany salamat bolsyn», — delingen jedelhatta.
Eske salaiyq, búgin Jaqsylyq Úshkempirov qaitys boldy.
