Búgin, 10 aqpanda, Astanada QFF-nyń kezekten tys 16-máslihaty ótip, onyń barysynda Ádilbek Jaqsybekov uiymnyń jańa prezidenti bolyp taǵaiyndaldy. Qazaqstan fýtbolynyń buǵan deiingi basshysy Seiildi Baishaqov qańtardyń basynda otstavkaǵa ketti, dep habarlady Vesti.kz.
Sonymen qatar, Baishaqovqa máslihat kezinde "Qazaqstan fýtbolynyń qurmetti qairatkeri" ataǵy berildi.
"Bul men úshin zor qurmet jáne asqaq senimderińiz úshin alǵys bildirgim keledi. Alaida 10 qańtar kúni otstavkaǵa ketý týraly sheshim qabyldadym. QFF kezekti máslihatyn ótkizý týraly ótinishimdi qabyldaǵan atqarý komitetiniń múshelerine raqmet", - dedi Baishaqov.
Aita keteiik, 18 qańtarda Ádilbek Jaqsybekovtiń Qazaqstan fýtbol federatsiiasynyń (QFF) prezidentigine úmitker retinde usynylǵany habarlanǵan bolatyn.
Prezident ákimshiliginiń jetekshisi Ádilbek Jaqsybekov buǵan deiin 2007 jáne 2014 jyldar aralyǵynda QFF-ny basqarǵan bolatyn. Qazir 63 jastaǵy saiasatker Qazaqstan jeńil atletika federatsiiasynyń prezidenti qyzmetin atqaryp keledi.
