Amerikanyń Toledo qalasynda WBA (Super) jáne IBO tujyrymdary boiynsha qazaqstandyq kásipqoi boksshy Janat Jaqiianov pen amerikalyq Roýshi Ýorren álem chempiony titýly úshin talasty. 12 raýndtan turǵan kezdesý qazaqstandyqtardyń jeńisimen aiaqtaldy, - dep habarlaidy Vesti.kz.
Biraq otandasymyz jekpe-jekti sátsiz bastady. Ol alǵashqy raýndta eki ret nokdaýnǵa tústi. Al qalǵan raýndtarda ZZ (Jaqiianovtyń ringtegi laqap esimi ) qarsylasyn biraz soqqyǵa jyqty. Sýdianyń sheshimimen esep 111-115/115-111/116-110 boldy.
Aita keteiik, jekpe-jektiń mundai nátijesi kommentator men kórermendermen qatar, jeńimpazdyń ózi men bapkerine - Rikki Hattonǵa kútpegen jaǵdai boldy. Osyǵan deiin sarapshylar qazaqstandyq tarap jeńiliske ushyraidy dep aitqan eken.
"Profi Boks Kazahstana" basylymynyń málimetinshe, qazaqstandyq boksshymyzdyń qalamaqysy - 30 myń dollar. Al Ýorren bolsa osy jekpe-jekke 150 myń dollar qoiǵan eken.
Eske sala keteiik, 9 aqpanda Janat Jaqiianov jáne Roýshi Ýorren jekpe-jek aldynda kóz arbasqan bolatyn.
