امەريكانىڭ تولەدو قالاسىندا WBA (Super) جەنە IBO تۇجىرىمدارى بويىنشا قازاقستاندىق كەسٸپقوي بوكسشى جانات جاقييانوۆ پەن امەريكالىق روۋشي ۋوررەن ەلەم چەمپيونى تيتۋلى ٷشٸن تالاستى. 12 راۋندتان تۇرعان كەزدەسۋ قازاقستاندىقتاردىڭ جەڭٸسٸمەن اياقتالدى, - دەپ حابارلايدى Vesti.kz.
بٸراق وتانداسىمىز جەكپە-جەكتٸ سەتسٸز باستادى. ول العاشقى راۋندتا ەكٸ رەت نوكداۋنعا تٷستٸ. ال قالعان راۋندتاردا ZZ (جاقييانوۆتىڭ رينگتەگٸ لاقاپ ەسٸمٸ ) قارسىلاسىن بٸراز سوققىعا جىقتى. سۋديانىڭ شەشٸمٸمەن ەسەپ 111-115/115-111/116-110 بولدى.
ايتا كەتەيٸك, جەكپە-جەكتٸڭ مۇنداي نەتيجەسٸ كوممەنتاتور مەن كٶرەرمەندەرمەن قاتار, جەڭٸمپازدىڭ ٶزٸ مەن باپكەرٸنە - ريككي حاتتونعا كٷتپەگەن جاعداي بولدى. وسىعان دەيٸن ساراپشىلار قازاقستاندىق تاراپ جەڭٸلٸسكە ۇشىرايدى دەپ ايتقان ەكەن.
"پروفي بوكس كازاحستانا" باسىلىمىنىڭ مەلٸمەتٸنشە, قازاقستاندىق بوكسشىمىزدىڭ قالاماقىسى - 30 مىڭ دوللار. ال ۋوررەن بولسا وسى جەكپە-جەككە 150 مىڭ دوللار قويعان ەكەن.
ەسكە سالا كەتەيٸك, 9 اقپاندا جانات جاقييانوۆ جەنە روۋشي ۋوررەن جەكپە-جەك الدىندا كٶز ارباسقان بولاتىن.
