Sýret: Gov.kz
9-11 mamyr kúnderi Ispaniianyń Madrid qalasynda «Jahandyq áielder sammiti» forýmy ótedi. Oǵan QR Syrtqy ister ministriniń orynbasary Nazira Nurbaeva barady, dep habarlaidy "Ult aqparat" Kazinform saityna silteme jasap.
Jahandyq áielder sammiti Ispaniia patshaiymy Letitsiianyń qamqorlyǵymen jyl saiyn uiymdastyrylady.
Onda álemniń túkpir-túkpirinen keletin áiel kóshbasshylary ázirlegen sheshimderi jáne strategiialaryn bólisý arqyly áielderdiń ekonomikalyq múmkindikterin keńeitý máselesin talqylaý josparlanyp otyr.
«Sapar aiasynda Nazira Nurbaeva „Áielder: bolashaq ekonomikasyn jandandyrý“ taqyrybyndaǵy ministrler deńgeiindegi dóńgelek ústelge qatysyp, Qazaqstannyń genderlik saiasattaǵy eleýli jetistikterin jáne Qazaqstan Úkimetiniń, BUU-Áielder qurylymynyń jáne qazaqstandyq áielderdiń ekonomikalyq quqyqtary men múmkindikterin keńeitýge baǵyttalǵan ÚEU birlesken kúsh-jigeri týraly aqparat usynady», — dedi QR Syrtqy ister ministrliginiń resmi ókili Aibek Smadiiarov aptalyq brifingte.
