Densaýlyq saqtaý vitse-ministri Erjan Nurlybaev Qazaqstanda maimyl shesheginiń taralý qaýpi týraly aitty, dep habarlaidy "Ult aqparat" Stan.kz aqparat agenttigine silteme jasap.
Vitse-ministr maimyl shesheginiń damý yqtimaldyǵy óte az ekenin aitty.
Nurlybaevtyń sózinshe, maimyl sheshegin juqtyrǵan kezde jalpy intoksikatsiia jáne qyzarý paida bolady. Aýrý alǵash ret 2022 jyldyń mamyrynda tirkelgennen beri 99 000-ǵa jýyq jaǵdai rastaldy, onyń ishinde 189 adam qaza boldy. Vedomstvonyń málimetinshe, maimyl sheshegi Gana, Kongo, Kamerýn, Liberiia, Nigeriia jáne Ortalyq Afrika Respýblikasynda taralǵan.
"Búginde respýblikada epidemiologiialyq jaǵdai turaqty, aýrýdy juqtyrý jaǵdailary tirkelgen joq, onyń ishinde kórshiles elderdegi epidemiologiialyq jaǵdaiǵa monitoring júrgizilip jatyr. Bul infektsiia anyqtalǵan elder tizimi únemi jańartylyp otyrady", – dedi vitse-ministr úkimet otyrysynda.
Bul infektsiianyń juqpalylyǵy, ǵalymdardyń aitýynsha, tómen. Jaǵdai densaýlyq saqtaý ministrliginiń turaqty baqylaýynda.
"Qazaqstan aýmaǵynda indettiń paida bolý yqtimaldyǵy az, soǵan qaramastan ministrlik bul infektsiianyń elge kelýine jol bermes úshin barlyq qajet profilaktikalyq sharalardy qabyldady. Infektsiiaǵa kúdikti naýqastardy anyqtaý kezinde meditsinalyq qyzmet kórsetýdiń ártúrli stsenariileri boiynsha is-sharalardyń algoritmderi ázirlendi. Dárilik zattardyń qajet qoryn qurý sharalary qabyldandy. Meditsina qyzmetkerlerin diagnostikalyq jáne emdeý ádisterine oqytýdyń qaitalanatyn tsikldary jergilikti jerde júrgiziledi. Búginde bas memlekettik sanitarlyq dárigerdiń qaýlysy men tótenshe jaǵdaiǵa qarsy is-qimyldyń respýblikalyq jospary daiyndaldy, – dedi Erjan Nurlybaev.
