Qańtar oqiǵasy boiynsha 35 myńnan astam jedel-tergeý is-qimyldary júrgizildi, dep habarlaidy QazAqparat.
Májilistiń jalpy otyrysynda «Jańa Qazaqstan» depýtattyq tobynyń saýalyna bergen aýyzsha jaýabynda QR Bas prokýrory Berik Asylov osyndai derek keltirdi.
«Ózderińiz biletindei, Prezidenttiń tapsyrmasy boiynsha Bas prokýratýranyń arnaiy prokýrorlarynyń basshylyǵymen vedomstvoaralyq jedel-tergeý toptary quryldy.
Búginde 35 myńnan astam jedel-tergeý is-qimyldary, onyń ishinde 20 myń tekserý, jaýap alý, tintý júrgizildi. 3,5 myń sot saraptamasy taǵaiyndaldy.
Búkil organdar boiynsha japy sany 766 kúdikti tutqyndalǵan. Olardyń basym bóligi 30 jasqa deiingi jastar, jumyssyzdar, joǵary bilimi joq adamdar», - dedi Berik Asylov.
Onyń sózine qaraǵanda, kúdikti retinde tutqyndalǵandardyń ishinde destrýktivti dini aǵymdardyń 19 jaqtaýshysy, tyiym salynǵan ekstremistik uiymdardyń 27 belsendisi, uiymdasqan qylmystyq toptardyń 24 múshesi jáne kisi óltirgeni, urlaǵany, tonaǵany jáne qaraqshylyq jasaǵany úshin sottalǵan 113 adam bar.
«Mysaly, «Jabaiy Arman» dep atalatyn Jumageldiev pen onyń tobynyń 14 múshesi qamaýda.
Mundai adamdardyń joǵaltatyn eshteńesi bolmady jáne olar ártúrli qylmystarǵa ońai bardy – dúkenderdi qiratty, tonaýmen ainalysty, ákimshilik ǵimarattarǵa shabýyl jasady.
Jalpy, 22 myńnan astam adamnyń jasalǵan qylmystarǵa qatysy bar-joǵy tekserildi», - dedi Bas Prokrýror.
