قاڭتار وقيعاسى بويىنشا 35 مىڭنان استام جەدەل-تەرگەۋ ٸس-قيمىلدارى جٷرگٸزٸلدٸ, دەپ حابارلايدى قازاقپارات.
مەجٸلٸستٸڭ جالپى وتىرىسىندا «جاڭا قازاقستان» دەپۋتاتتىق توبىنىڭ ساۋالىنا بەرگەن اۋىزشا جاۋابىندا قر باس پروكۋرورى بەرٸك اسىلوۆ وسىنداي دەرەك كەلتٸردٸ.
«ٶزدەرٸڭٸز بٸلەتٸندەي, پرەزيدەنتتٸڭ تاپسىرماسى بويىنشا باس پروكۋراتۋرانىڭ ارنايى پروكۋرورلارىنىڭ باسشىلىعىمەن ۆەدومستۆوارالىق جەدەل-تەرگەۋ توپتارى قۇرىلدى.
بٷگٸندە 35 مىڭنان استام جەدەل-تەرگەۋ ٸس-قيمىلدارى, ونىڭ ٸشٸندە 20 مىڭ تەكسەرۋ, جاۋاپ الۋ, تٸنتۋ جٷرگٸزٸلدٸ. 3,5 مىڭ سوت ساراپتاماسى تاعايىندالدى.
بٷكٸل ورگاندار بويىنشا جاپى سانى 766 كٷدٸكتٸ تۇتقىندالعان. ولاردىڭ باسىم بٶلٸگٸ 30 جاسقا دەيٸنگٸ جاستار, جۇمىسسىزدار, جوعارى بٸلٸمٸ جوق ادامدار», - دەدٸ بەرٸك اسىلوۆ.
ونىڭ سٶزٸنە قاراعاندا, كٷدٸكتٸ رەتٸندە تۇتقىندالعانداردىڭ ٸشٸندە دەسترۋكتيۆتٸ دٸني اعىمداردىڭ 19 جاقتاۋشىسى, تىيىم سالىنعان ەكسترەميستٸك ۇيىمداردىڭ 27 بەلسەندٸسٸ, ۇيىمداسقان قىلمىستىق توپتاردىڭ 24 مٷشەسٸ جەنە كٸسٸ ٶلتٸرگەنٸ, ۇرلاعانى, توناعانى جەنە قاراقشىلىق جاساعانى ٷشٸن سوتتالعان 113 ادام بار.
«مىسالى, «جابايى ارمان» دەپ اتالاتىن جۇماگەلديەۆ پەن ونىڭ توبىنىڭ 14 مٷشەسٸ قاماۋدا.
مۇنداي ادامداردىڭ جوعالتاتىن ەشتەڭەسٸ بولمادى جەنە ولار ەرتٷرلٸ قىلمىستارعا وڭاي باردى – دٷكەندەردٸ قيراتتى, توناۋمەن اينالىستى, ەكٸمشٸلٸك عيماراتتارعا شابۋىل جاسادى.
جالپى, 22 مىڭنان استام ادامنىڭ جاسالعان قىلمىستارعا قاتىسى بار-جوعى تەكسەرٸلدٸ», - دەدٸ باس پروكرۋرور.
