Senator Jabal Erǵalievtiń aitýynsha, osy aidyń basynda qabyldanǵan jańa zańnyń aiasynda jazýshylardyń qalamaqysy kóteriledi, dep habarlaidy QazAqparat tilshisi.
"Ádebiet salasynda jazýshylarǵa jasalyp otyrǵan úlken bir qamqorlyq, buryn memlekettik tapsyrys boiynsha kitaptiń tarylymy eki myń dana ǵana bolatyn. Endi, kitaptyń tirajy bes myńǵa jetetin boldy. Sóz joq, osynyń nátijesinde jazýshylarǵa tólenetin qalamaqy da ósedi. Bul máselede Qazaqstan Jazýshylary odaǵynyń basshysy Nurlan Orazalinniń úlken eńbegin erekshe atap ótý kerek. Senator bolǵan az ǵana ýaqyttyń ishinde ol kelgen kúnnen bastap Májiliste bolsyn, Úkimet saǵatynda bolsyn, jazýshylardyń jaǵdaiyn, olardyń qalamaqy máselesin aitýmen boldy. Osynyń nátijesinde tiisti zań qabyldandy. Biz soǵan shyn júrekten qýanamyz", - dedi Erǵaliev búgin Astanada ótken baspasóz máslixatynda.
Aita keteiik, aǵymdaǵy jyly 5 mamyrda Prezident Nursultan Nazarbaev "QR keibir zańnamalyq aktilerine mádeniet máseleleri boiynsha ózgerister men tolyqtyrýlar engizý týraly" Zańǵa qol qoidy. Atalǵan qujatta teatr óneri, mýzei, baspa isi, kino jáne taǵy basqa mádeniet salasynyń ózekti máseleleri qamtylǵan.
.jpeg)