Koronavirýsty aýyzdyqtaýdyń birden bir joly – vaktsina. Bul týraly Qazaqstannyń eńbek sińirgen qairatkeri, senatorlar keńesiniń múshesi Jabal Erǵaliev aitty, dep habarlaidy QazAqparat.
Onyń aitýynsha, qazir jalǵyz qazaq elinde ǵana emes, álemde bir alań jaǵdai qalyptasyp otyr. Bir-eki jyldyń aiasynda álem boiynsha tarai bastaǵan koronovirýs indeti dúnieniń damýyna eleýli ózgerister ákelip jatyr. Indettiń beti qaitty dep aita qoiýdyń ózi áli de erterek. Kún saiyn berilip jariialanyp jatqan statistikalyq málimetter boiynsha álem boiynsha indettiń taralýy báseńsi qoiǵan joq. Jer betinde osy indetten adam shyǵyny da azaiǵan emes. Adam balasyna kelgen osy indettiń aldyn alý, taralyp ketýin neǵurlym azaitý maqsatynda bizdiń elimizde barlyq sharalar qoldanylyp jatqanynyn da eshkim joqqa shyǵara almaidy.
«Memleket basshysynyń pármenimen byltyr tótenshe jaǵdai jariialanyp, karantin engizilgeni, halyqqa materialdyq qoldaý jasalýy, biznestiń damýyna barynsha jaǵdailasý, elimizdiń ár jerinde osy zamanǵy infektsiialyq aýrýhanalardyń jedel salynýy siiaqty ister atqaryldy. Jańa infektsiialyq aýrýhana bizdiń Kókshetaý qalasynda da óte qysqa merzimde salynyp, iske qosyldy. Qaraǵandyda vaktsina shyǵaratyn zaýyttyń iske qosylýy da igi istiń biri edi. Jáne de Qazaqstannyń óz vaktsinasyn shyǵarýdy qolǵa alýy da elimizdiń bul indetti joiýǵa barynsha jaýapty qarap otyrǵandyǵy dep bilemiz», - dedi Jabal Erǵaliev.
Sonymen qatar, ol halyqty koronavirýs infektsiiasyna qarsy vaktsina alýdan qoryqpaýǵa shaqyrdy.
«Qazir halyqty jappai vaktsinatsiialaý júrip jatyr. Osy vaktsinatsiia jaily de nebir daqpyrt taralyp jatady. Qoryqpańyz! Adam balasyn erterekte sheshek, bezgek, taǵy da ózge indetterden aman alyp qalǵan osy vaktsina bolatyn. Óz basym birinshi kezektegi vaktsina aldym. Ekinshisin taǵy da alamyn. Qaýipti eshnárse baiqaǵan joqpyn! Sondyqtan ekpeden qoryqpańyzdar der edim», - dedi ol.
