كوروناۆيرۋستى اۋىزدىقتاۋدىڭ بٸردەن بٸر جولى – ۆاكتسينا. بۇل تۋرالى قازاقستاننىڭ ەڭبەك سٸڭٸرگەن قايراتكەرٸ, سەناتورلار كەڭەسٸنٸڭ مٷشەسٸ جابال ەرعاليەۆ ايتتى, دەپ حابارلايدى قازاقپارات.
ونىڭ ايتۋىنشا, قازٸر جالعىز قازاق ەلٸندە عانا ەمەس, ەلەمدە بٸر الاڭ جاعداي قالىپتاسىپ وتىر. بٸر-ەكٸ جىلدىڭ اياسىندا ەلەم بويىنشا تاراي باستاعان كورونوۆيرۋس ٸندەتٸ دٷنيەنٸڭ دامۋىنا ەلەۋلٸ ٶزگەرٸستەر ەكەلٸپ جاتىر. ٸندەتتٸڭ بەتٸ قايتتى دەپ ايتا قويۋدىڭ ٶزٸ ەلٸ دە ەرتەرەك. كٷن سايىن بەرٸلٸپ جارييالانىپ جاتقان ستاتيستيكالىق مەلٸمەتتەر بويىنشا ەلەم بويىنشا ٸندەتتٸڭ تارالۋى بەسەڭسي قويعان جوق. جەر بەتٸندە وسى ٸندەتتەن ادام شىعىنى دا ازايعان ەمەس. ادام بالاسىنا كەلگەن وسى ٸندەتتٸڭ الدىن الۋ, تارالىپ كەتۋٸن نەعۇرلىم ازايتۋ ماقساتىندا بٸزدٸڭ ەلٸمٸزدە بارلىق شارالار قولدانىلىپ جاتقانىنىن دا ەشكٸم جوققا شىعارا المايدى.
«مەملەكەت باسشىسىنىڭ پەرمەنٸمەن بىلتىر تٶتەنشە جاعداي جارييالانىپ, كارانتين ەنگٸزٸلگەنٸ, حالىققا ماتەريالدىق قولداۋ جاسالۋى, بيزنەستٸڭ دامۋىنا بارىنشا جاعدايلاسۋ, ەلٸمٸزدٸڭ ەر جەرٸندە وسى زامانعى ينفەكتسييالىق اۋرۋحانالاردىڭ جەدەل سالىنۋى سيياقتى ٸستەر اتقارىلدى. جاڭا ينفەكتسييالىق اۋرۋحانا بٸزدٸڭ كٶكشەتاۋ قالاسىندا دا ٶتە قىسقا مەرزٸمدە سالىنىپ, ٸسكە قوسىلدى. قاراعاندىدا ۆاكتسينا شىعاراتىن زاۋىتتىڭ ٸسكە قوسىلۋى دا يگٸ ٸستٸڭ بٸرٸ ەدٸ. جەنە دە قازاقستاننىڭ ٶز ۆاكتسيناسىن شىعارۋدى قولعا الۋى دا ەلٸمٸزدٸڭ بۇل ٸندەتتٸ جويۋعا بارىنشا جاۋاپتى قاراپ وتىرعاندىعى دەپ بٸلەمٸز», - دەدٸ جابال ەرعاليەۆ.
سونىمەن قاتار, ول حالىقتى كوروناۆيرۋس ينفەكتسيياسىنا قارسى ۆاكتسينا الۋدان قورىقپاۋعا شاقىردى.
«قازٸر حالىقتى جاپپاي ۆاكتسيناتسييالاۋ جٷرٸپ جاتىر. وسى ۆاكتسيناتسييا جايلى دە نەبٸر داقپىرت تارالىپ جاتادى. قورىقپاڭىز! ادام بالاسىن ەرتەرەكتە شەشەك, بەزگەك, تاعى دا ٶزگە ٸندەتتەردەن امان الىپ قالعان وسى ۆاكتسينا بولاتىن. ٶز باسىم بٸرٸنشٸ كەزەكتەگٸ ۆاكتسينا الدىم. ەكٸنشٸسٸن تاعى دا الامىن. قاۋٸپتٸ ەشنەرسە بايقاعان جوقپىن! سوندىقتان ەكپەدەن قورىقپاڭىزدار دەر ەدٸم», - دەدٸ ول.
