Messendjerler men áleýmettik jelilerde Qazaqstanda zeinetkerlik jasyn ózgertýge qatysty tarap jatqan aqparat shyndyqqa janaspaidy, dep habarlaidy "Ult aqparat" QR Eńbek jáne halyqty áleýmettik qorǵaý ministrliginiń baspasóz qyzmetine silteme jasap.
Qoldanystaǵy zańnamaǵa sáikes, erler úshin zeinetkerlik jas - 63, áielder úshin qazirgi ýaqytta – 59,5 jas.
Sondai-aq, Biryńǵai jinaqtaýshy zeinetaqy qorynda (budan ári - BJZQ) jetkilikti jinaqtalǵan zeinetaqy qarajaty bar Qazaqstan Respýblikasynyń azamattary zeinetaqy annýiteti quqyǵyn (zeinetkerlik jasqa jetkenge deiin zeinetkerlikke shyǵý) paidalana alady.
Zeinetaqy annýiteti erler úshin – 55 jas, áielder úshin – 51,5 jas mólsherinde belgilengen. Ziiandy eńbek jaǵdailarynda jumys isteitin azamattar 50 jastan bastap zeinetaqy annýitetin paidalana alady.
Sonymen birge, «Qazaqstan Respýblikasynda zeinetaqymen qamsyzdandyrý týraly» zańynda áielderdiń zeinetkerlik jasyn 2018 jyldan 2027 jylǵa deiin 10 jyl ishinde, 6 ai saiyn arttyrý kózdelgen.
Áielderdiń zeinetkerlik jasyn arttyrý yntymaqty zeinetaqy júiesiniń birtindep «toqtatylýyna» bailanysty (yntymaqty zeinetaqy taǵaiyndaý úshin eńbek ótili 1998 jylǵy 1 qańtarǵa deiin ǵana esepke alynady, sondyqtan onyń mólsheri jyldan jylǵa azaiady). Osyǵan qarai áielderge jinaqtaýshy zeinetaqy júiesine qatysý merzimin jáne jinaqtalǵan zeinetaqy qarajatynyń kólemin ulǵaitýǵa múmkindik beriledi. Bul bolashaqta olarǵa BJZQ-dan zeinetaqy tólemderin jáne memlekettik bazalyq zeinetaqy tólemin joǵary mólsherde alýǵa múmkindik beredi, onyń mólsheri 2018 jylǵy 1 shildeden bastap zeinetaqy júiesine qatysý ótiline bailanysty bolady.
Sonymen birge, zeinetkerlik jastyń ulǵaiýy qazirgi ýaqytta zeinetaqyny erte alýǵa quqyǵy bar áielderge áser etpeidi:
– 5 nemese odan da kóp bala týyp (asyrap alyp), olardy segiz jasqa deiin tárbielegen áielder - 53 jasta;
– Semei iadrolyq synaq poligonynyń tótenshe jáne eń joǵary radiatsiialyq qaýpi bar aimaqtarynda 1949 jylǵy 29 tamyzdan 1963 jylǵy 5 shildege deiin keminde 5 jyl ómir súrgen áielder - 45 jasta.
Áielder úshin jumys istemeitin ananyń balalaryna kútim jasaǵan ýaqytyn, biraq ár bala 3 jasqa tolǵanǵa deiin, barlyǵy 12 jyl shamasyndaǵy ýaqytyn zeinetaqy taǵaiyndaý úshin eńbek ótiline esepke alý boiynsha jeńildik saqtaldy.
«Azamattardan jalǵan aqparatqa nazar aýdarmaýdy jáne aqparatty tek resmi kózderden ǵana alýdy suraimyz. Jalǵan aqparatty taratý zań boiynsha jazalanatynyn eske salamyz», - delingen habarlamada.
