Zeinetaqynyń bir bóligin depozitke aýdarýǵa bola ma? Bul suraqqa Ortalyq kommýnikatsiialar qyzmetinde ótken baspasóz máslihatynda «Otbasy bank» AQ ortalyq filialynyń direktory Jansultan Mataev jaýap berdi, dep habarlaidy "Ult aqparat".
«Bekitilgen erejelerge sáikes, zeinetaqynyń shekti mólsherinen artyq somany depozitke salyp qoiýǵa ruqsat joq. Ol somany alǵashqy jarna retinde eger siz turǵyn úi jinaq júiesine qatyspai, birden kerekti somanyń 50 paiyzy retinde salyp, úi alýyńyzǵa bolady. Biraq ol aqshany alyp, depozit retinde ósirip, memlekettik syiaqyny alam deýge múmkindik joq», - dedi Jansultan Mataev.
Al Qurylys jəne turǵyn úi-kommýnaldyq sharýashylyq isteri komiteti tóraǵasynyń orynbasary Erkebulan Daýylbaevtyń aitýynsha, erejege sáikes, azamattar menshigindegi úidi jóndeýge qarajatty jumsaýǵa múmkindigi joq. Tek satyp alǵan úiiniń jóndeý jumysyna ǵana zeinetaqynyń bir bóligin alýǵa ruqsat etiledi.
