«Otbasy bankinde» zeinetaqynyń bir bóligin aýdarýǵa arnalǵan 60 myńǵa tarta arnaiy shot ashyldy. Bul týraly Ortalyq kommýnikatsiialar qyzmetinde ótken baspasóz máslihatynda «Qazaqstannyń turǵyn úi qurylys jinaq banki «Otbasy bank» AQ basqarma tóraiymy Lázzat Ibragimova aityp berdi, dep habarlaidy "Ult aqparat".
«Men erekshe atap óter bir másele: eger sizdiń zeinetaqy jinaǵynan alatyn qarajatyńyz jetip tursa, sol aqshany tolyǵymen (úidi alýǵa) paidalana alasyz. Iaǵni ipotekany paidalanbai-aq qoisańyz da bolady. Satý-satyp alý kelisimi boiynsha birinshi jáne ekinshi naryqtan da baspana alýǵa bolady. Aýyldan da, qaladan da úi alýyńyzǵa jol ashyq. Tirkelgen jerińizge qatysty eshqandai shekteý joq», - dedi Lázzat Ibragimova.
Onyń aitýynsha búginge deiin 60 myńǵa tarta arnaiy shot ashylǵan. Onlain platformaǵa ótinim berý kezinde ózińiz úshin de shot asha alasyz.
