Biryńǵai jinaqtaýshy zeinetaqy qory zeinetaqy jinaǵynyń bir bóligin paidalanýǵa qajetti jetkiliktilik shegine túsinikteme berdi, dep habarlaidy Sputnik Qazaqstan qordyń resmi saityna silteme jasap.
Aita ketken jón, zeinetaqy jarnalarynyń bir bóligin eń tómengi jetkiliktilik sheginen asatyn jáne bolashaqta eń tómengi zeinetaqy mólsherinen kem bolmaityn zeinetaqy tólemderin alýǵa múmkindik beretin jinaqty qalyptastyrǵan salymshylar ǵana paidalana alady.
"Bul rette azamattardyń paidalanýy úshin qoljetimdi zeinetaqy jinaqtary tek mindetti zeinetaqy jarnalaryn jáne mindetti kásiptik zeinetaqy jarnalaryn ǵana emes, sondai-aq, olardy investitsiialaýdan alynǵan investitsiialyq tabysty da qamtidy", – deidi qor mamandary.
Al "Qazaqstan Respýblikasynda zeinetaqymen qamsyzdandyrý týraly" zańǵa sáikes, "zeinetaqy jinaqtarynyń eń az jetkiliktilikti shegi" salymshynyń zeinetaqy jinaqtarynyń naqty somasyn, sondai-aq, onyń bolashaq zeinetaqy jarnalary men investitsiialyq tabysyn qamtidy. Sonyń arqasynda eń tómen zeinetaqydan kem bolmaityn zeinetaqy tólemderin jasaýǵa bolady.
"Bul rette bolashaq jarnalardyń eń tómengi jalaqy mólsherinen tómen emes tabystan aýdarylatyny esepke alyndy. Eger kirister joǵary bolsa, onda eń tómengi jetkiliktilik shegi tezirek qalyptasady, al zeinetkerlikke shyqqannan keiingi tólemder eń tómengi zeinetaqydan kóp bolady", – delingen qordyń resmi habarlamasynda.
Jetkiliktilik shegin esepteýge arnalǵan ádisteme men ólshemder úkimet qaýlysymen aiqyndalady jáne árbir jas úshin jeke esepteledi. 2021 jylǵa arnalǵan zeinetaqy jinaqtarynyń eń tómengi jetkiliktilik shekteriniń aldyn ala mólsherin myna silteme arqyly kórýge bolady.
Búginde árbir salymshy óz jinaqtarynyń jetkiliktilik shegine sáikestigin teksere alady. BJZQ-daǵy zeinetaqy shotynan úzindi kóshirmeni enpf.kz saityndaǵy jeke kabinetten, BJZQ-nyń jańartylǵan uialy qosymshasynan nemese egov.kz portalynan onlain rejimde shyǵarýǵa múmkindik bar. Úzindi kóshirmede jetkiliktilik shegi jáne nysanaly paidalaný úshin qoljetimdi soma kórsetiledi.
Saittaǵy jeke kabinette jáne BJZQ uialy qosymshasynda avtorlanýdyń eki tásili qoljetimdi. Olar:
-
elektrondy tsifrlyq qoltańbany paidalaný;
-
JSN men paroldi engizý.
BJZQ derekqorynda tirkelgen elektrondyq poshtamen de turaqty túrde úzindi kóshirme alýǵa bolady.
"BJZQ-daǵy jinaqtar týraly aqparatqa yńǵaily ári jyldam qol jetkizý úshin Qor Telegram messendjerinde óziniń jeke botyn iske qosty, onyń kómegimen de úzindi kóshirme alýǵa bolady. Ózińizdiń zeinetaqy jinaqtaryńyzdy "BJZQ" AQ óńirlik bólimshelerine jeke basyńyzdy kýálandyratyn qujatpen baryp ta teksere alasyz", – deidi mamandar.
Al BJZQ bólimsheleri joq shalǵai aýdandardyń turǵyndary "Qazposhta" AQ-nyń avtorlandyrylǵan bólimshelerine júginip, habarlaýdyń kez kelgen yńǵaily tásilin tańdai alady. Poshta bólimshelerin myna jerden kórýge bolady.
