Qazaqstandyqtar zeinetaqy jinaǵynyń bir bóligin alý týraly ótiniminiń kúshin joia alady. OKQ-da ótip jatqan baspasóz máslihatynda «Otbasy bank» AQ tóraǵasy Lázzat Ibragimova osylai dedi, dep habarlaidy QazAqparat.
«Qazir biz óz klientterimizdiń eskertýlerin esepke ala otyryp, portalymyzdyń jumysyna tiisti ózgeristerdi engizip jatyrmyz. Birinshi kezekte óte jii túsetin ótinish - ótinimdi redaktsiialaý múmkindigin berý. Iaǵni, aldymen adam nesieni tóleý týraly ótinish bildirip alyp, keiin jańa páterdi ipotekaǵa satyp alǵysy keletin jaǵdailar bar. Al qazirdiń ózinde arnaiy shotqa aqshasy aýdarylyp qoidy delik. Meniń oiymsha, bir aptanyń ishinde ótinim berýshiler úshin ótinimdi redaktsiialaý múmkindigi beriledi», - dedi Lázzat Ibragimova.
Onyń aitýynsha azamattar tipti bergen ótiniminiń kúshin joia da alady.
«Kóbisi aqsha bar ekenine kóz jetkizip, operatsiialardy jyl sońyna deiin júrgizý týraly sheshim qabyldap jatyr. Mundai múmkindik te paida bolady. Adamdar portaldy keńinen qoldana bastaǵan kezde týystarymen aqyldasa bastady. Zeinetaqy tólemderin biriktirý múmkindigi de paida boldy. Sondyqtan jańa múmkindikter týraly aqparat beretin bizdiń banktiń qyzmetkerleri áleýmettik jelini qadaǵalap otyr», - dedi Lázzat Ibragimova.
