Foto: Gov.kz
Eńbek jáne halyqty áleýmettik qorǵaý ministrligi messendjerler men áleýmettik jelilerde taralyp jatqan 2026 jylǵy qańtar aiynyń zeinetaqy tólemderi 2025 jylǵy 30 jeltoqsanǵa deiin ósimdi eskere otyryp, merziminen buryn aýdarylady degen aqparattyń shyndyqqa janaspaitynyn málimdedi.
Vedomstvonyń habarlaýynsha, zeinetaqy men járdemaqylar bekitilgen tólem kestesine sáikes júrgiziledi. Indeksatsiiany eskere otyryp, 2026 jylǵy qańtar aiynyń zeinetaqy tólemderi alýshylarǵa 2026 jyldyń qańtar aiynda aýdarylady. Al jeltoqsan aiyna tiesili zeinetaqy tólemderi tolyq kólemde júzege asyrylǵan.
Ministrlik azamattardy jeke derekterdiń taralyp ketý qaýpine bailanysty osyndai habarlamalarmen birge keletin kúmándi siltemelerge ótpeýge shaqyrdy. Memlekettik qoldaý sharalary týraly resmi aqparat tek 1414 nómirinen SMS-habarlamalar arqyly jáne memlekettik organdardyń resmi internet-resýrstarynda jariialanatyny eske salyndy.
Sondai-aq azamattarǵa tek resmi derekkózderge sený qajettigi aitylyp, jalǵan aqparat taratýdyń zańmen jazalanatyny eskertildi.
