Mamandar absoliýtti rekord dep baǵalaǵandai, byltyrǵy jyly pandemiia men daǵdarys kezeńinde zeinetaqy salymshylarynyń investitsiialyq kiris 1,3 trln teńgeni quraǵan. Al ótken aidyń kórsetkishi boiynsha bir jyl ishinde BJZQ-daǵy zeinetaqy aktivteriniń kólemi 14%-ǵa ósip, 12,6 trln teńgeni qurady. Osylaisha, zeinetaqy jinaqtarynyń 35%-y investitsiialyq tabys esebinen qalyptasyp, biryńǵai jinaq zeinetaqy qory salymshylarynyń investitsiialyq kirisi 55%-ǵa artqanyn kórsetip otyr, - dep habarlaidy «Ult aqparat».
Statistikaǵa súiensek, jalpy alǵanda, Ulttyq bank zeinetaqy aktivterin basqarý tiimdiligin arttyrý arqyly zeinetaqy jinaqtarynyń kiristiligin arttyrý úshin BJZQ-nyń investitsiialyq portfelin únemi ártaraptandyryp otyrady.
«Máselen, 2020 jyldyń 1 naýryzynda memlekettik baǵaly qaǵazdardyń úlesi 41,5% -dy qurasa, biyl olardyń úlesi 44,3% -dan asty. Syrtqy basqarýdaǵy aktivterdiń úlesi de edáýir ósip, 2020 jyly 3%-dan 2021 jyly 7,8%-ǵa jetti. Sondai-aq sheteldik bankterdegi salymdar kólemi 1,9%-dan 3,5%-ǵa artty. 2021 jyldyń qańtarynan bastap azamattarǵa zeinetaqy jinaqtarynyń bir bóligin, onyń ishinde basqarýshy kompaniialarǵa investitsiialyq basqarýǵa berýdi kózdeitin zańnamalyq normalar engizildi», - dedi BJZQ baspasóz qyzmetiniń mamany.
Osy oraida, aita keteiik, zeinetaqy aktivterin senimgerlik basqarýdy Qazaqstan Respýblikasynyń Ulttyq banki júzege asyrady.
BJZQ baspasóz qyzmetiniń mamanynyń aitýynsha, qarjy quraldarynyń úlesi tómendep jatyr. Atap aitqanda, shet memleketterdiń memlekettik baǵaly qaǵazdary (12,9% -dan 8,6% -ǵa deiin); Qazaqstan Respýblikasy uiymdarynyń baǵaly qaǵazdary (27,9% -dan 25,5% -ǵa deiin); - Qazaqstannyń ekinshi deńgeili bankterindegi depozitteri (2,3% -dan 2% -ǵa deiin). Ekonomisterdiń esebinshe, bul kórsetkish áli de ajlǵasa beredi. Máselen, BJZQ-ǵa barlyq zeinetaqy aktivteri qosylǵannan beri Ulttyq bank kepildik bergen investitsiialyq kiris shamamen 4,9 trln teńgeni quraǵan. 2021 jyldyń 1 naýryzyndaǵy jaǵdai boiynsha zeinetaqy jinaqtarynyń jalpy kólemindegi taza investitsiialyq kiristiń úlesi 35,1% qurap otyr.
«Zeinetaqy qory salymshylarynyń kirisiniń artýy ekonomikamyzdyń kóterilýin kórsetedi. 2021 jyldyń ekinshi toqsany bastalysymen, mine, statistika esebi shyǵyp, sandar sóilep jatyr. Máselen, biylǵy jyldyń eki aiynda ǵana investitsiialyq kiris 222,9 mlrd teńgege jetti. Bul 2020 jyldyń sáikes kezeńimen salystyrǵanda 54,6%-ǵa joǵary», - deidi ekonomist Álibek Áliaidaruly.
Ekonomisterdiń esebinshe, jyldyq kiristilik 11,4%, infliatsiia 7,4%-ǵa teń. Osylaisha, sońǵy bir jylda BJZQ zeinetaqy aktivteriniń naqty kirisi 4%-dy qurady. Biyl zeinetaqy jinaqtarynyń kórsetkishteri ótken jylmen salystyrǵanda edáýir joǵary.
Al 2020 jyly pandemiia men daǵdarys kezeńinde investitsiialyq kiris 1,3 trln teńgeni qurady. Mamandar muny absoliýtti rekord dep baǵalaýda. Jalpy alǵanda investitsiialyq kiriske baǵaly qaǵazdar (depozitter jáne basqa operatsiialar) boiynsha syiaqy túrindegi tabys, qarjy quraldaryn naryqtyq qaita baǵalaý túrindegi jáne valiýtany qaita baǵalaý túrindegi kirister, syrtqy basqarýdaǵy aktivter boiynsha kirister jáne ózgede quraldar arqyly túsken qarjy jatady.
Esterińizge sala keteiik, ótken aidyń kórsetkishi boiynsha bir jyl ishinde BJZQ-daǵy zeinetaqy aktivteriniń kólemi 14%-ǵa ósip, 12,6 trln teńgeni qurady. Osylaisha, zeinetaqy jinaqtarynyń 35%-y investitsiialyq tabys esebinen qalyptasyp, biryńǵai jinaq zeinetaqy qory salymshylarynyń investitsiialyq kirisi 55%-ǵa artqanyn kórsetip otyr. Statistikaǵa súiensek, jalpy alǵanda, Ulttyq bank zeinetaqy aktivterin basqarý tiimdiligin arttyrý arqyly zeinetaqy jinaqtarynyń kiristiligin arttyrý úshin BJZQ-nyń investitsiialyq portfelin únemi ártaraptandyryp otyrady.
