Zeinetaqy jinaǵyn paidalaný boiynsha onlain-platformaǵa taǵy bir fýnktsiia qosyldy, dep habarlaidy "Ult aqparat" Otbasy bankiniń jelidegi paraqshasyna silteme jasap.
«Somany ózgertý kerek pe? - Ońai! Qazir enpf-otbasy.kz onlain-platformasyndaǵy jeke kabinetińizde málimdelgen zeinetaqy tóleminiń mólsherin azaita alasyz. Muny tek ipotekasyz satyp alý maqsatyn tańdaǵan kezinde jasai alasyz jáne tek óz qarajatyńyz úshin, al jaqyn týystaryńyz tabystaǵan qarajat somasyn ózgertýge bolmaidy», - delingen habarlamada.
Bank jańa fýnktsiianyń qalai jumys isteiin bylai túsindiredi. Mysaly Sizder BJZQ-dan belgili bir somaǵa tapsyrys berip, keiin arzanyraq páter taptyńyz.
Eger satyp alý-satý shartyna sáikes satýshyǵa BZT esebinen tólenetin soma sizdiń arnaiy shotyńyzdaǵy qarajattan az bolsa, onda qujattardy (satyp alý-satý sharty jáne tirkelgen quqyqtar men aýyrtpalyqtar týraly anyqtama) júkteý kezinde siz «shart boiynsha soma» jolyna satyp alý-satý shartyndaǵy naqty somasyn jazyp, somany ózgerte alasyz.
Mysaly, sizdiń arnaiy shotyńyzda 7 million jáne týysyńyz tabystaǵan 5 million qarajat bar.
Páter 10 million turady. 4 mln siz satýshyǵa qolma-qol aqshamen tóledińiz, al 6 mln BZT esebinen tóleýdi josparlap otyrsyz jáne bul shartta jazylǵan.
Shart boiynsha soma bólimine 6 000 000 sanyn engizý jáne «somany ózgertý» batyrmasyn basý qajet.
Sizdiń arnaiy shotyńyzda 1 mln óz qarajatyńyz jáne 5 mln týysyńyz tabystaǵan qarajat qalady.
Mynalardy eskerý qajet:
Sharttyń búkil somasyn emes, satýshyǵa aýdarylatyn somany kórsetińiz.
Sizdiń arnaiy shotyńyzdaǵy qarajattan joǵary somany kórsetý múmkin emes
Týystar tabystaǵan qarajat somasyn ózgertýge bolmaidy
Jańa múmkindik sizderge baspanany ipotekasyz tolyq satyp alý kezinde naqty somany engizýge múmkindik beredi jáne eger ózińizdiń birjolǵy zeinetaqy tólemderińizdi ekinshi ret paidalanýdy josparlaǵan bolsańyz, BJZQ-ǵa qarajatty qaitarý úshin 45 kúndi kútpeýge kómektesedi.
Aita ketsek, onlain platforma únemi jańartylyp otyrady. Buǵan deiin atalǵan platformada páter satyp alý nemese zaimdy óteýge arnalǵan qujattardy júktegenge deiin bir rettik zeinetaqy tólemin alǵan soń oǵan týysyńyz bergen qarajatty qosý múmkindigi berilgen edi.
2021 jyly 2 qańtarda QR Prezidenti Qasym-Jomart Toqaev zeinetaqy jinaǵynyń bir bóligin maqsatty paidalanýǵa qatysty zańǵa qol qoidy.
