Biryńǵai jinaqtaýshy zeinetaqy qory salymshylarynyń zeinetaqy jinaqtary 2021 jylǵy 1 maýsymdaǵy jaǵdai boiynsha 12,7 trillion teńgeden asty. Bul týraly Qordyń baspasóz qyzmeti habarlady.
2021 jylǵy 1 qańtardan 1 maýsymǵa deiingi bes aidyń ishinde BJZQ salymshylarynyń shottaryna 654,2 mlrd teńge mólsherinde taza investitsiialyq tabys eseptelgenin atap ótý mańyzdy. Bul ótken jyldyń bes aiymen salystyrǵanda 155 mlrd teńgege nemese 31% artyq. Qazaqstan Respýblikasy Ulttyq bankiniń basqarýyndaǵy BJZQ zeinetaqy aktivteri boiynsha kiristilik jyl basynan beri 5,3%, al infliatsiia 3,5% boldy. Sońǵy 12 aida infliatsiia 7,2%, kiristilik 11,7% kórsetti.
Salymshylardyń (alýshylardyń) zeinetaqy jinaqtarynyń somasy zeinetaqy aktivterin investitsiialaý nátijelerine sáikes apta saiyn qaita esepteledi jáne qaita baǵalanady. Investitsiialyq tabystyń quramyna baǵaly qaǵazdar (salymdar jáne basqa operatsiialar) boiynsha syiaqy, qarjy quraldaryn naryqtyq qaita baǵalaý, valiýtalyq qaita baǵalaý túrindegi kirister, syrtqy basqarýdaǵy aktivter boiynsha kirister jáne t. b. kiredi.
Jalpy, barlyq zeinetaqy aktivteri BJZQ-ǵa biriktirilgen sátten bastap Ulttyq bank qamtamasyz etken investitsiialyq tabys shamamen 5,3 trln teńge boldy. 2021 jyldyń 1 maýsymyndaǵy jaǵdai boiynsha zeinetaqy jinaqtarynyń jalpy kólemindegi taza investitsiialyq tabystyń úlesi 36,1% boldy.
Eger Qazaqstannyń jinaqtaýshy zeinetaqy júiesi qurylǵan 1998 jyldan bergi kezeńdi alsaq, taza investitsiialyq tabys 6,2 trillion teńgeden asty. Osy ýaqyt ishinde investitsiialyq kiristilik ósý qorytyndysymen 640,01% qurady. Al infliatsiia 517,53% boldy. Osylaisha jinaqtaýshy zeinetaqy júiesi qoldanysqa engizilgen sátten bastap 2021 jylǵy 1 maýsymǵa deiingi kezeńde zeinetaqy aktivteriniń naqty kiristiligi 122,48% kórsetti.
Aita ketý kerek, zeinetaqy jinaqtary – bul uzaq merzimdi investitsiialar, sondyqtan investitsiialyq tabystyń mólsherin keminde 1 (bir) jyl kezeńinde taldaǵan oryndy. Qysqa merzimdi derekter (kúndelikti, ai saiynǵy jáne t.b.) kórsetkish bolyp tabylmaidy, óitkeni, olar kúndelikti naryqtyq jaǵdaiǵa bailanysty.
Investitsiialyq basqarý men zeinetaqy aktivterin esepke alýdyń barlyq júiesi ashyq: árbir salymshy óziniń investitsiialyq tabysyn enpf.kz saityndaǵy jeke kabinetten nemese uialy qosymshanyń kómegimen baqylai alady. BJZQ-nyń zeinetaqy aktivterin investitsiialyq basqarý jáne zeinetaqy aktivteri ornalastyrylǵan qarjy quraldary týraly aqparat Qordyń resmi saityndaǵy (www.enpf.kz) «Kórsetkishter/Investitsiialyq qyzmet» bóliminde jariialanyp otyrady.
