Jetisý oblysynda aýyr týa bitken dertpen aýyratyn balany múgedektik boiynsha tólenetin memlekettik járdemaqydan zańsyz aiyrǵany sotta anyqtaldy, dep habarlaidy ult.kz.
Mamandandyrylǵan aýdanaralyq ákimshilik sotta jergilikti turǵynnyń meditsinalyq-áleýmettik saraptama sheshimin zańsyz dep taný jáne járdemaqy tólemderin qalpyna keltirý týraly talaby qaraldy.
Is materialdaryna sáikes, talapkerdiń uly týǵanynan beri ishektiń aýyr aýrýymen aýyrady jáne birneshe kúrdeli otadan ótken. Balaǵa 2018 jyly múgedektik taǵaiyndalyp, keiin onyń merzimi 2021 jyldyń sáýirine deiin uzartylǵan.
Alaida 2021 jylǵy qaita kýálandyrý nátijesinde №7 meditsinalyq-áleýmettik saraptama bólimi balaǵa múgedektik belgilemeý týraly sheshim qabyldap, sonyń saldarynan járdemaqy tólemderi toqtatylǵan.
Talapkerdiń aitýynsha, balanyń densaýlyq jaǵdaiy jaqsarmaǵan, ol áli de turaqty kútim men áleýmettik qoldaýdy qajet etedi. Al 2024 jyly balaǵa qaitadan múgedektik taǵaiyndalǵan.
Sot isti qaraý barysynda 2021 jylǵy saraptama qorytyndysyn zańsyz dep tanydy. Nátijesinde ýákiletti organǵa 2021 jylǵy 14 mamyr men 2024 jylǵy 17 shilde aralyǵyndaǵy kezeń úshin tólenbei qalǵan járdemaqyny qaita eseptep, tolyq qalpyna keltirý mindetteldi.
Sot sheshimi zańdy kúshine endi.
