QAZVAC vaktsinasyn klinikalyq zertteýdiń I-II fazasynyń nátijeleri boiynsha esepter jáne III fazasynyń aralyq esebi onyń qaýipsizdigin rastaidy, dep habarlaidy "Ult aqparat" QR Úkimeti janyndaǵy Qazaqstanda koronavirýstyń taralýyna jol bermeý jónindegi vedomstvoaralyq komissiianyń Telegram kanalyna silteme jasap.
Usynylǵan esepter negizinde, QR Úkimetiniń 2020 jylǵy 15 jeltoqsandaǵy № 850 qaýlysymen bekitilgen COVID-19 qarsy vaktsinalardy ýaqytsha memlekettik tirkeý qaǵidalaryna sáikes, vaktsina meditsinalyq qoldanýǵa jiberiledi. Esterińizge sala keteiik, QAZVAC ýaqytsha tirkeý kýáligi 2020 jyldyń 31 jeltoqsanynda berilgen bolatyn.
Qazaqstandyq vaktsinany synaýdyń úshinshi kezeńi Hattamada kózdelgen zertteý sýbektileriniń 50% belgisinen ótti jáne ony aǵymdaǵy jyldyń 25 maýsymynda aiaqtaý josparlanyp otyr. Osydan keiin QAZVAC tiimdiligin tolyq baǵalaý júrgiziledi.
Vaktsinalardyń klinikalyq zertteýleri, sonyń ishinde III fazadaǵysy búkil álemde jalǵasýda. Sonymen, Resei Federatsiiasy «Spýtnik V» zertteýlerin 2021 jyldyń mamyr aiynyń basynda aiaqtaýdy josparlap otyr, al álemdegi kóptegen farmatsevtikalyq kompaniialar óz zertteýlerin 2022-2023 jyldary aiaqtaidy.
Qalyptasqan epidemiialyq jaǵdaiǵa bailanysty koronavirýstyq infektsiiaǵa qarsy vaktsinalardy meditsinalyq qoldanýǵa jedel jiberý týraly sheshimder álemniń kóptegen retteýshi organdarynda qabyldanady. Vaktsinatsiia aýrýdyń taralýymen kúresýdiń eń tiimdi ádisi jáne ujymdyq immýnitetti qalyptastyrýdyń senimdi ádisi bolyp qala beredi. Bul rette, vaktsinalardy qoldanýǵa ruqsat etýdiń qysqa merzimine qaramastan, olardyń sapasy men qaýipsizdigin tekserý muqiiat jáne barlyq talaptardy saqtai otyryp júrgiziledi.
Jaǵymsyz reaktsiialar anyqtalǵan, «paida-táýekeldiń» qolaisyz araqatynasy týraly derekter alynǵan nemese ónertabysqa nemese paidaly modelge úshinshi tulǵalardyń airyqsha quqyqtaryn buzý týraly kúshine engen sot sheshimi bolǵan jaǵdailarda vaktsinany ýaqytsha tirkeý toqtatyla turýy nemese joiylýy múmkin ekenin atap ótken jón
Qazaqstanda COVID-19-ǵa qarsy vaktsinatsiialaý erikti bolyp tabylady jáne vaktsinatsiialanýshy vaktsinatsiia kezinde qoljetimdi vaktsinatsiiadan ózi eggisi keletin vaktsinany tańdaýǵa da quqyly.
Anyqtama: QAZVAC vaktsinasy - QR Bilim jáne ǵylym ministrliginiń Biologiialyq qaýipsizdik problemalarynyń ǵylymi-zertteý institýty ázirlegen COVID-19-ǵa qarsy belsendiligi joiylǵan vaktsina. Aldyn ala málimetter boiynsha, onyń tiimdiligi 90% — dan joǵary.
2020 jylǵy 31 jeltoqsanda «Qazaqstan Respýblikasynda óndirilgen COVID-19 koronavirýsyna qarsy vaktsinalardy ýaqytsha memlekettik tirkeý qaǵidalaryn bekitý týraly» Qazaqstan Respýblikasy Úkimetiniń 2020 jylǵy 15 jeltoqsandaǵy № 850 qaýlysynyń negizinde vaktsinaǵa 30.09.2021 jylǵa deiingi merzimge 31.12.2020 jylǵy QR-BP-№1 ýaqytsha tirkeý kýáligi berildi.
Vaktsinatsiia bulshyqet ishine 2 kezeńde júrgiziledi, birinshi jáne ekinshi dozany engizý arasyndaǵy aralyq – 21 kún. Vaktsinatsiialaý pýnktinde aldymen tekserý júrgiziledi, saýalnama toltyrylady jáne vaktsinatsiialaýǵa jazbasha aqparat beriledi.
Vaktsinatsiia 18 jastan asqan adamdarǵa usynylady. 18 jasqa deiingi balalar úshin tiimdilik pen qaýipsizdik zerttelmegen.
QAZVAC vaktsinasynyń 50 myń dozasy óńirlerge taratyldy: 6000 dozadan Nur-sultan men Almaty, 4000 dozadan Shymkent, Qaraǵandy, Shyǵys Qazaqstan jáne Almaty oblystary, qalǵan óńirler 2000 dozadan aldy. Mamyr aiynda taǵy 50 myń doza shyǵarylady dep kútilýde. Bolashaqta preparat óndirisi kezeń-kezeńimen aiyna 500 myń dozaǵa deiin artady.
