QAZVAC ۆاكتسيناسىن كلينيكالىق زەرتتەۋدٸڭ I-II فازاسىنىڭ نەتيجەلەرٸ بويىنشا ەسەپتەر جەنە III فازاسىنىڭ ارالىق ەسەبٸ ونىڭ قاۋٸپسٸزدٸگٸن راستايدى, دەپ حابارلايدى "ۇلت اقپارات" قر ٷكٸمەتٸ جانىنداعى قازاقستاندا كوروناۆيرۋستىڭ تارالۋىنا جول بەرمەۋ جٶنٸندەگٸ ۆەدومستۆوارالىق كوميسسييانىڭ Telegram كانالىنا سٸلتەمە جاساپ.
ۇسىنىلعان ەسەپتەر نەگٸزٸندە, قر ٷكٸمەتٸنٸڭ 2020 جىلعى 15 جەلتوقسانداعى № 850 قاۋلىسىمەن بەكٸتٸلگەن COVID-19 قارسى ۆاكتسينالاردى ۋاقىتشا مەملەكەتتٸك تٸركەۋ قاعيدالارىنا سەيكەس, ۆاكتسينا مەديتسينالىق قولدانۋعا جٸبەرٸلەدٸ. ەستەرٸڭٸزگە سالا كەتەيٸك, QAZVAC ۋاقىتشا تٸركەۋ كۋەلٸگٸ 2020 جىلدىڭ 31 جەلتوقسانىندا بەرٸلگەن بولاتىن.
قازاقستاندىق ۆاكتسينانى سىناۋدىڭ ٷشٸنشٸ كەزەڭٸ حاتتامادا كٶزدەلگەن زەرتتەۋ سۋبەكتٸلەرٸنٸڭ 50% بەلگٸسٸنەن ٶتتٸ جەنە ونى اعىمداعى جىلدىڭ 25 ماۋسىمىندا اياقتاۋ جوسپارلانىپ وتىر. وسىدان كەيٸن QAZVAC تيٸمدٸلٸگٸن تولىق باعالاۋ جٷرگٸزٸلەدٸ.
ۆاكتسينالاردىڭ كلينيكالىق زەرتتەۋلەرٸ, سونىڭ ٸشٸندە III فازاداعىسى بٷكٸل ەلەمدە جالعاسۋدا. سونىمەن, رەسەي فەدەراتسيياسى «سپۋتنيك V» زەرتتەۋلەرٸن 2021 جىلدىڭ مامىر ايىنىڭ باسىندا اياقتاۋدى جوسپارلاپ وتىر, ال ەلەمدەگٸ كٶپتەگەن فارماتسەۆتيكالىق كومپانييالار ٶز زەرتتەۋلەرٸن 2022-2023 جىلدارى اياقتايدى.
قالىپتاسقان ەپيدەمييالىق جاعدايعا بايلانىستى كوروناۆيرۋستىق ينفەكتسيياعا قارسى ۆاكتسينالاردى مەديتسينالىق قولدانۋعا جەدەل جٸبەرۋ تۋرالى شەشٸمدەر ەلەمنٸڭ كٶپتەگەن رەتتەۋشٸ ورگاندارىندا قابىلدانادى. ۆاكتسيناتسييا اۋرۋدىڭ تارالۋىمەن كٷرەسۋدٸڭ ەڭ تيٸمدٸ ەدٸسٸ جەنە ۇجىمدىق يممۋنيتەتتٸ قالىپتاستىرۋدىڭ سەنٸمدٸ ەدٸسٸ بولىپ قالا بەرەدٸ. بۇل رەتتە, ۆاكتسينالاردى قولدانۋعا رۇقسات ەتۋدٸڭ قىسقا مەرزٸمٸنە قاراماستان, ولاردىڭ ساپاسى مەن قاۋٸپسٸزدٸگٸن تەكسەرۋ مۇقييات جەنە بارلىق تالاپتاردى ساقتاي وتىرىپ جٷرگٸزٸلەدٸ.
جاعىمسىز رەاكتسييالار انىقتالعان, «پايدا-تەۋەكەلدٸڭ» قولايسىز اراقاتىناسى تۋرالى دەرەكتەر الىنعان نەمەسە ٶنەرتابىسقا نەمەسە پايدالى مودەلگە ٷشٸنشٸ تۇلعالاردىڭ ايرىقشا قۇقىقتارىن بۇزۋ تۋرالى كٷشٸنە ەنگەن سوت شەشٸمٸ بولعان جاعدايلاردا ۆاكتسينانى ۋاقىتشا تٸركەۋ توقتاتىلا تۇرۋى نەمەسە جويىلۋى مٷمكٸن ەكەنٸن اتاپ ٶتكەن جٶن
قازاقستاندا COVID-19-عا قارسى ۆاكتسيناتسييالاۋ ەرٸكتٸ بولىپ تابىلادى جەنە ۆاكتسيناتسييالانۋشى ۆاكتسيناتسييا كەزٸندە قولجەتٸمدٸ ۆاكتسيناتسييادان ٶزٸ ەگگٸسٸ كەلەتٸن ۆاكتسينانى تاڭداۋعا دا قۇقىلى.
انىقتاما: QAZVAC ۆاكتسيناسى - قر بٸلٸم جەنە عىلىم مينيسترلٸگٸنٸڭ بيولوگييالىق قاۋٸپسٸزدٸك پروبلەمالارىنىڭ عىلىمي-زەرتتەۋ ينستيتۋتى ەزٸرلەگەن COVID-19-عا قارسى بەلسەندٸلٸگٸ جويىلعان ۆاكتسينا. الدىن الا مەلٸمەتتەر بويىنشا, ونىڭ تيٸمدٸلٸگٸ 90% — دان جوعارى.
2020 جىلعى 31 جەلتوقساندا «قازاقستان رەسپۋبليكاسىندا ٶندٸرٸلگەن COVID-19 كوروناۆيرۋسىنا قارسى ۆاكتسينالاردى ۋاقىتشا مەملەكەتتٸك تٸركەۋ قاعيدالارىن بەكٸتۋ تۋرالى» قازاقستان رەسپۋبليكاسى ٷكٸمەتٸنٸڭ 2020 جىلعى 15 جەلتوقسانداعى № 850 قاۋلىسىنىڭ نەگٸزٸندە ۆاكتسيناعا 30.09.2021 جىلعا دەيٸنگٸ مەرزٸمگە 31.12.2020 جىلعى قر-بپ-№1 ۋاقىتشا تٸركەۋ كۋەلٸگٸ بەرٸلدٸ.
ۆاكتسيناتسييا بۇلشىقەت ٸشٸنە 2 كەزەڭدە جٷرگٸزٸلەدٸ, بٸرٸنشٸ جەنە ەكٸنشٸ دوزانى ەنگٸزۋ اراسىنداعى ارالىق – 21 كٷن. ۆاكتسيناتسييالاۋ پۋنكتٸندە الدىمەن تەكسەرۋ جٷرگٸزٸلەدٸ, ساۋالناما تولتىرىلادى جەنە ۆاكتسيناتسييالاۋعا جازباشا اقپارات بەرٸلەدٸ.
ۆاكتسيناتسييا 18 جاستان اسقان ادامدارعا ۇسىنىلادى. 18 جاسقا دەيٸنگٸ بالالار ٷشٸن تيٸمدٸلٸك پەن قاۋٸپسٸزدٸك زەرتتەلمەگەن.
QAZVAC ۆاكتسيناسىنىڭ 50 مىڭ دوزاسى ٶڭٸرلەرگە تاراتىلدى: 6000 دوزادان نۇر-سۇلتان مەن الماتى, 4000 دوزادان شىمكەنت, قاراعاندى, شىعىس قازاقستان جەنە الماتى وبلىستارى, قالعان ٶڭٸرلەر 2000 دوزادان الدى. مامىر ايىندا تاعى 50 مىڭ دوزا شىعارىلادى دەپ كٷتٸلۋدە. بولاشاقتا پرەپارات ٶندٸرٸسٸ كەزەڭ-كەزەڭٸمەن ايىنا 500 مىڭ دوزاعا دەيٸن ارتادى.
