Byltyr jeltoqsan aiynda Italiianyń Týrin men Milan qalalarynda aǵyn sýdan alynǵan synama úlgilerinen koronavirýstyń genetikalyq bólshekteri tabylǵan. Bul týraly ulttyq densaýlyq institýty habarlady.
Eki zerthana túrli ádis qoldanyp, zertteý júrgizgen, biraq nátijesi bir bolyp shyqqan. Italiiada koronavirýs juqqan naýqastar anyqtalmai turyp, 18 jeltoqsanda Týrin men Milannan sý úlgileri alynǵan. Italiiada koronavirýs juqqan alǵashqy naýqastar 2020 jyly 31 qańtarda anyqtaldy. Eń alǵash ret Rimde júrgen eki qytai týrisinen virýs tabyldy. Bir aptadan soń virýs oshaǵy Qytaidyń Ýhan qalasynan kelgen Italiia azamatynan virýs tabyldy. Aqpan aiynyń sońynda koronavirýs jyldam tarap, Lombardiia provintsiiasy Italiiadaǵy "virýs oshaǵyna" ainaldy.
Italiia ǵalymdarynyń aitýynsha, qazan jáne qarasha ailarynda aǵyn sý úlgilerinde RNK SARS-CoV-2 bolmaǵan.
Birqatar elderdiń ǵalymdary virýs oshaǵyn anyqtaý úshin aǵyn sýdy zerttep jatyr. Olardyń pikirinshe, halyqty jappai qymbat testen ótkizbei-aq sýda RNK virýsynyń bar-joǵyn tekserý arqyly virýs oshaǵyn anyqtaýǵa bolady.
Italiiadaǵy aǵyn sýdan SARS-CoV-2 bólshekteriniń tabylýy virýs Eýropaǵa áldeqashan erterek kelgenin dáleldei túsedi.
Mamyr aiynyń basynda frantsýz dárigerleri byltyr jeltoqsan aiynda pnevmoniiaǵa shaldyqqan naýqastardyń qan úlgilerin eki ret zerttep, COVID-19 aýyrǵan bir naýqas baryn anyqtaǵan. Ol adamnyń aty-jóni atalmaidy, alaida aqparat boiynsha, naýqas Frantsiia aýmaǵynan shyqpaǵan jáne eshqashan Qytaida bolmaǵan.
