Foto: instagram.com/step_notsleep
Stepnogorsk qalasyndaǵy zergerlik buiymdar dúkenin tonaǵandar ustaldy, - dep habarlaidy "Ult aqparat" Polisia.kz saityna silteme jasap.
"Kriminaldyq politsiia basqarmasy men politsiia basqarmasynyń jedel qyzmetkerleri júrgizgen arnaiy operatsiianyń nátijesinde zergerlik dúkenniń muqiiat josparlanǵan tonaýy anyqtaldy.
1 mamyrda Stepnogorsk qalasynda belgisiz bireýler jertóleni oiyp, dúkenge kirip, jalpy quny 180 million teńge bolatyn zergerlik buiymdardy urlaǵan.
Bul derekke qatysty QR QK 188-baby 4-bóligi boiynsha sotqa deiingi tergeý bastaldy. PD basshylyǵynyń nusqaýy boiynsha birneshe jedel top qurylyp, Aqmola jáne kórshi óńirlerdiń aýmaǵynda birqatar jedel-izdestirý is-sharalary júrgizildi" - delingen habarlamada.
Nátijesinde elordada eki kúdikti ustalǵan. Olar - 1977 jáne 1988 jyly týǵan Astana qalasynyń turǵyndary. Zattai dáleldemeler alynyp, uialy telefondar, bailanys quraldary jáne ustalǵandar minip júrgen kólik tárkilengen.
Qazir qylmystyq isti tergeý jalǵasyp jatyr. Kúdiktiler qamaýǵa alyndy.
