Tsifrlyq damý ministrliginiń baspasóz qyzmeti «Zerde» holdingin taratýǵa qatysty resmi ustanymyn jariialady, - dep habarlaidy "Ult aqparat".
«Sońǵy jyldary bizdiń elimiz «elektrondyq úkimetti» damytý salasynda aitarlyqtai nátijege qol jetkizdi. Bul halyqaralyq uiymdardyń reitinginde de kórinis tapty. BUU-nyń «elektrondyq úkimettiń» damý deńgeii boiynsha sońǵy zertteýine sáikes 2020 jyldyń qorytyndysy boiynsha 2018 jylmen salystyrǵanda Qazaqstan óz pozitsiiasyn 10 tarmaqqa jaqsartyp, BUU reitinginde 29-oryndy ielendi. Qol jetkizilgen nátijeler memleket basshylyǵynyń saiasi qoldaýynyń arqasynda múmkin boldy jáne IT-qoǵamdastyqtyń, «Ulttyq aqparattyq tehnologiialar» AQ, «Astana Hub» halyqaralyq tehnoparki, «Zerde» holdingi, Tsifrlyq damý ministrligi men memlekettik organdar ujymdarynyń ortaq eńbegi bolyp tabylady.
Naryqtaǵy neǵurlym tartymdy jaǵdailarǵa qaramastan, Tsifrlyq vedomstvo júiesinde jyldar boiy eńbek etip, memlekettik jáne qoǵamdyq sektordy tsifrlandyrýǵa úlken úles qosyp kele jatqan myńdaǵan qatardaǵy IT-mamandarǵa jeke alǵysymyzdy bildiremiz» - delingen habarlamada.
Vedomstvo málimetinshe, korporativ basqarý qurylymynda belgili bir máseleler, sonyń ishinde júielik sipattaǵy problemalar da jinaqtalǵan.
«Zerde» holdingi obektivti jáne sýbektivti sebepterge bailanysty Aqparattyq kommýnikatsiialyq tehnologiialar salasyn damytýdyń tolyqqandy institýty retinde qalyptasa almady. Búginde holding derbes tabys ákelmeidi jáne óz kezeginde memleketten «elektrondyq úkimettiń» aqparattyq-kommýnikatsiialyq infraqurylymy operatorynyń fýnktsiialaryn júzege asyrýǵa tapsyrystar alatyn «Ulttyq aqparattyq tehnologiialar» AQ-nyń dividendteri esebinen qarjylandyrylady. Muny aýditorlyq esepter rastaidy. Turaqty shyǵynǵa ákeletin Holding qyzmeti, biýdjetten bólinetin qarajat kólemi jáne «UAT» AQ-nyń qarjylyq jaǵdaiy, basqarýshy holdingti jáne enshiles uiymdardyń jumysyn qamtamasyz etýge ketetin qarajat kólemi IT-qoǵamdastyq pen baqylaý organdarynyń ádil synyna tústi» - deidi ministrlik ókilderi.
2021 jyldyń qorytyndysy boiynsha «Zerde» holdinginiń tabysynyń ulǵaiýyna ákelgen «elektrondyq úkimettiń» aqparattyq kommýnikatsiia infraqurylymy men aqparattandyrý obektilerin zertteý jumystary - Tsifrlyq damý, innovatsiialar jáne aeroǵarysh ónerkásibi ministrligi tapsyrysynyń arqasynda múmkin bolǵan.
«Bul «Zerde» holdingine oń tabys ákelýge múmkindik berdi, biraq jyldyń qorytyndysy boiynsha holding qyzmeti qaitadan shyǵynǵa ákep soqty. Turaqty sipatqa ie bolǵan problemalarǵa esep komiteti sońǵy tekserýdiń qorytyndylary boiynsha erekshe nazar aýdardy. 2016-2021 jyldar kezeńinde Holdingtiń jinaqtalǵan shyǵyny 7 mlrd. teńgeni qurady. Qazirgi ýaqytta «Zerde» Holdinginiń qurylymynda úsh enshiles uiym bar: «Astana Hub» tehnoparki «Ulttyq aqparattyq tehnologiialar» jáne «Qazinnovations» aktsionerlik qoǵamdary. Bul rette enshiles uiymdar óz qyzmetiniń negizgi baǵyttary boiynsha tikelei Tsifrlyq damý ministrligimen jáne memlekettik organdarmen ózara is-qimyl jasaidy. Korporativtik basqarý holdingtik kompaniiada shoǵyrlanǵan, al negizgi baǵyty boiynsha enshiles uiymdarǵa jetekshilik etýdi ýákiletti organ tikelei júzege asyratyn mundai qurylym qajetsiz bolyp kórinedi. Sondyqtan búgingi kúni jańa strategiialyq mindetter men el basshylyǵynyń tsifrlandyrý qarqynyn jedeldetý jónindegi tapsyrmalaryn eskere otyryp, Aqparattyq kommýnikatsiialyq tehnologiialar salasyn basqarýdyń sapaly jańa tetigin qurý qajettiligi týyndap otyr. Bul rette aldaǵy transformatsiia korporativtik basqarýdyń holdingtik qurylymyn taratýǵa qatysty ekenin jáne «Zerde» holdinginiń óndiristik personalyna áser etpeitinin erekshe atap ótemiz» - delingen vedomstvo aqparatynda.
Bul turǵyda «servistik integrator» fýnktsiialaryn «Tsifrlyq úkimetti qoldaý ortalyǵy» RMK-ǵa berý máselesin de qaraý qajet, onyń negizgi mindetteri memlekettik basqarýdy tsifrlyq transformatsiialaý protsesterin ádistemelik jáne uiymdastyrýshylyq súiemeldeý jáne barlyq ulttyq jobalar men baǵdarlamalyq qujattardyń iske asyrylýyna monitoringti júzege asyrý bolyp tabylady. «Tsifrlyq úkimetti qoldaý ortalyǵy» RMK Memleket basshysynyń tikelei tapsyrmasy boiynsha memlekettik organdar úshin jetekshi taldaý ortalyǵy retinde qurylǵan.
Sondyqtan Úkimet «servistik integrator» fýnktsiialaryn «Zerde»-den «Tsifrlyq úkimetti qoldaý ortalyǵy» RMK-na berý týraly sheshim qabyldady, onyń qurylymynda Tsifrlyq transformatsiia ortalyǵy jumys istemek.
«Bul rette «Tsifrlyq úkimetti qoldaý ortalyǵy» RMK-ǵa jumysqa aýysqan «Zerde» holdinginiń burynǵy qyzmetkerleri tiesili barlyq tólemderdi tolyq kólemde alady. Búgingi tańda kadrlyq áleýetti saqtai otyryp, memlekettik IT-sektoryn basqarýdy reformalaý negizgi basymdyq bolyp tabylady. Bul ministrliktiń, «Zerde» holdinginiń jáne enshiles uiymdardyń ortaq mindeti. Ministrlik qyzmetkerlerdiń eń joǵary áleýmettik qorǵalýyn qamtamasyz etý qajettigin jáne keiinnen olardyń mamandyǵy men biliktiligine sáikes jumysqa ornalasýyn eskere otyryp, olardyń múddelerin negizge alatyn bolady. Holdingti taratý kezinde qyzmetkerler ózderiniń aldaǵy eńbek qyzmetiniń perspektivalaryna qatysty oilastyrylǵan sheshim qabyldaýlary úshin búkil protsess ashyq jáne aiqyn ótedi» - delingen ministrlik málimdemesinde.
