Almatyda kámeletke tolmaǵan qyzǵa shabýyl jasaǵan jasóspirimderge qatysty qylmystyq is qozǵaldy. Bul týraly Almaty qalalyq Politsiia departamenti habarlady, dep habarlaidy ult.kz.
Politsiianyń málimetinshe, oqiǵa áleýmettik jelilerge júrgizilgen monitoring barysynda anyqtalǵan. Internette jariialanǵan beinejazba keiinnen óshirilgenimen, quqyq qorǵaý organdary dereý tergeý jumystaryn bastaǵan.
– Atalǵan derek boiynsha Naýryzbai aýdandyq politsiia basqarmasy sotqa deiingi tergep-tekserýdi bastady. Qazirgi ýaqytta oqiǵaǵa qatysy bar barlyq tulǵalardyń jeke basy anyqtaldy. Istiń barlyq mán-jaiyn jan-jaqty, tolyq ári obektivti anyqtaýǵa baǵyttalǵan qajetti tergeý áreketteri júrgizilip jatyr. Tergeý barysy Almaty qalalyq politsiia departamenti basshylyǵynyń erekshe baqylaýynda, – delingen vedomstvo habarlamasynda.
