Áleýmettik jelide sábiin qushaǵyna alyp, kýrer bolyp júrgen áieldiń videosy qyzý talqyǵa túskennen keiin Eńbek jáne halyqty áleýmettik qorǵaý ministri Asqarbek Ertaev otbasynyń jaǵdaiyna qatysty pikir bildirdi, dep habarlaidy ult.kz.
Ministrdiń aitýynsha, kópshiliktiń aiaýshylyǵyn týdyrǵan kelinshek jalǵyzbasty ana emes. Ol joldasymen birge biyl 19 mamyrda Shymkentten Almatyǵa qonys aýdarǵan. Erli-zaiyptylardyń ekeýi de joǵary jáne tehnikalyq bilim alǵan.
– Biz bul otbasynyń jaǵdaiyn zerttedik. Balanyń ákesi – IT salasynyń mamany, anasy tehnikalyq mamandyq boiynsha bilim alǵan. Almatyǵa kelgennen keiin óz betterimen tabys tabýǵa kirisken. Osyndai jaǵdaida jastar aldymen mansap ortalyqtaryna júginse, olarǵa jumys usynylady, – dedi Ertaev.
Ministrdiń málimetinshe, otbasynyń jeke kóligi men nesiesi bar, al Shymkenttegi turmystyq jaǵdaiy da aýyr bolmaǵan.
– Aǵasy lombard biznesimen ainalysady, ata-anasy da jaqsy turady, – dep atap ótti ministr.
Sondai-aq vedomstvo áieldi jumysqa qabyldaǵan kýrerlik qyzmetpen bailanysqa shyqqan. Ministrdi ásirese jas ananyń sábiimen birge jumysqa shyǵýyna kimniń ruqsat bergeni alańdatyp otyrǵanyn aitty.
– Kez kelgen kýrer aldymen oqytylyp, qaýipsizdik erejelerinen ótedi. Ony balamen birge jumysqa qalai shyǵarǵan? Bul másele bizdi alańdatady. Kompaniia ókilderi ýaqyt surady, kelesi aptada taǵy sóilesemiz. Mundai jaǵdailarda naqty tártip bolýy kerek, – dedi Ertaev.
