Áleýmettik jelilerde Qazaqstandaǵy eń atyshýly qylmyskerlerdiń biri Nikolai Jumaǵalievke uqsaityn er adamnyń jabyq psihiatriialyq mekemede túsirilgen delinetin videosy keńinen taralyp jatyr, dep habarlaidy ult.kz.
Beinejazba Almaty oblysyndaǵy Aqtas kentinde ornalasqan mamandandyrylǵan psihiatriialyq aýrýhanada jasyryn túsirilgen bolýy múmkin degen aqparat aitylýda. Kadrlardan er adamnyń ózin kameraǵa túsirip jatqanyn ańǵarmaǵany baiqalady.
Videoda ol jýrnalisterge suhbat berýge qorqatynyn aityp, eger ashyq sóilese, mekeme basshylyǵy ózine arnaiy dári nemese ekpe qoldanyp, sóileý qabiletin shekteýi múmkin ekenin málimdeidi. Sondai-aq ol aýrýhanada jemqorlyq baryn, keibir qyzmetkerlerdiń aýyr quqyq buzýshylyqtarǵa qatysy bolýy múmkin ekenin alǵa tartady.
Budan bólek, beinejazbada emdeý mekemesindegi turmystyq jaǵdailarǵa qatysty da túrli aiyptaýlar aitylady. Atap aitqanda, naýqastarǵa beriletin taǵamnyń sapasy tómen ekeni, jihazdyń ondaǵan jyl boiy jańartylmaǵany, keibir emdelýshilerdiń qarjylandyrý maqsatynda negizsiz uzaq ýaqyt ustalyp otyrǵany jóninde sóz bolady. Sonymen qatar áńgime barysynda Qazaqstandaǵy zańsyz altyn óndirý men AQSh-taǵy saiasi reformalar sekildi ózge de taqyryptar qozǵalady.
Atalǵan videoda aitylǵan málimdemelerdiń resmi túrde rastalmaǵanyn atap ótken jón. Bul máselege qatysty Densaýlyq saqtaý ministrligine resmi saýal joldanǵan.
Eske salaiyq, Nikolai Jumaǵaliev 1970-jyldardyń sońy men 1980-jyldardyń basynda birneshe áieldi asa qatygezdikpen óltirgeni úshin sottalǵan. Is materialdary boiynsha oǵan shizofreniia diagnozy qoiylyp, keiin májbúrli emdeýge jiberilgen. Ol uzaq jyldar boiy mamandandyrylǵan psihiatriialyq mekemede em qabyldap keledi.
