26 shildede Ýkraina prezidenti Vladimir Zelenskii Ýinston Cherchill atyndaǵy syilyqqa ie boldy. Britan úkimetiniń habarlaýynsha, atalǵan syilyq Ýkraina basshysyna "Pýtinniń jabaiy basqynshylyǵyna tótep berip, adam nanǵysyz batyldyq pen qaisarlyq kórsetkeni úshin" berilgen.
Seisenbi kúni ýkrain prezidentine syilyqty Ulybritaniia premer-ministri Boris Djonson tapsyrdy. Marapattaý rásimi Daýning-stritte ótti. Zelenskii oǵan videobailanyspen qatysty. Keiin Telegramda "ýkrain halqy tiraniiaǵa qarsy tutas qarsy shyqpaǵanda, bul syilyqqa qol jetkizbegen bolar edik" dep jazdy.
Cherchill halyqaralyq qoǵamynyń saityndaǵy málimetke sáikes, bul syilyq "boiynan ser Ýinston Cherchillge tán kóshbasshylyq qasietteri kóringen" adamdarǵa beriledi. Buryn ol Ýels hanzadasy Charlz, Ulybritaniia premer-ministri Margaret Tetcher, AQSh memlekettik hatshysy Madlen Olbrait jáne ózge tulǵalarǵa berilgen.
