© Reuters
Ýkraina prezidenti Vladimir Zelenskii Ýkrainadaǵy Resei múlkin májbúrli túrde tárkileýge jáne onyń rezidentterine eshqandai ótemaqy tólemei tárkileýge ruqsat beriletin zańǵa qol qoidy. Bul týraly Joǵarǵy Radanyń baspasóz qyzmeti aitty, - dep habarlaidy Tengrinews.kz tilshisi.
"Ýkraina prezidenti Vladimir Zelenskii Joǵarǵy Rada qabyldaǵan "Resei Federatsiiasy men onyń rezidentteriniń menshik obektilerin Ýkrainada májbúrlep alyp qoiýdyń negizgi printsipteri týraly" zańǵa qol qoidy.
"Zańǵa sáikes, Ýkrainada Resei Federatsiiasy men onyń rezidentteriniń menshik quqyǵyn májbúrlep alyp qoiý Resei Federatsiiasy Ýkraina men ýkrain halqyna qarsy shyǵarǵan jáne júrgizip jatqan jappai agressivti soǵysty eskere otyryp, olardyń qunyn ótemei júzege asyrylady", - delingen Joǵarǵy Rada habarlamasynda.
Zańda Ýkrainada Reseidiń zańdy tulǵalarynyń múlki men qarjysyn ulttandyrýdy máselesi qamtylǵan. Alyp qoiý týraly sheshimdi Úkimettiń ótinishi boiynsha Ulttyq qaýipsizdik jáne qorǵanys keńesi qabyldaidy. Úkimet, sondai-aq, májbúrlep alyp qoiýǵa jatatyn obektilerdiń tizimin jasaidy.
28 aqpanda Joǵarǵy Rada depýtattary Ýkrainadaǵy barlyq reseilik múlikti tárkileý týraly zań jobasyn daiyndaýdy usyndy. 3 naýryzda zań jobasy Radada qabyldandy.
