© Reuters
ۋكراينا پرەزيدەنتٸ ۆلاديمير زەلەنسكيي ۋكرايناداعى رەسەي مٷلكٸن مەجبٷرلٸ تٷردە تەركٸلەۋگە جەنە ونىڭ رەزيدەنتتەرٸنە ەشقانداي ٶتەماقى تٶلەمەي تەركٸلەۋگە رۇقسات بەرٸلەتٸن زاڭعا قول قويدى. بۇل تۋرالى جوعارعى رادانىڭ باسپاسٶز قىزمەتٸ ايتتى, - دەپ حابارلايدى Tengrinews.kz تٸلشٸسٸ.
"ۋكراينا پرەزيدەنتٸ ۆلاديمير زەلەنسكيي جوعارعى رادا قابىلداعان "رەسەي فەدەراتسيياسى مەن ونىڭ رەزيدەنتتەرٸنٸڭ مەنشٸك وبەكتٸلەرٸن ۋكراينادا مەجبٷرلەپ الىپ قويۋدىڭ نەگٸزگٸ پرينتسيپتەرٸ تۋرالى" زاڭعا قول قويدى.
"زاڭعا سەيكەس, ۋكراينادا رەسەي فەدەراتسيياسى مەن ونىڭ رەزيدەنتتەرٸنٸڭ مەنشٸك قۇقىعىن مەجبٷرلەپ الىپ قويۋ رەسەي فەدەراتسيياسى ۋكراينا مەن ۋكراين حالقىنا قارسى شىعارعان جەنە جٷرگٸزٸپ جاتقان جاپپاي اگرەسسيۆتٸ سوعىستى ەسكەرە وتىرىپ, ولاردىڭ قۇنىن ٶتەمەي جٷزەگە اسىرىلادى", - دەلٸنگەن جوعارعى رادا حابارلاماسىندا.
زاڭدا ۋكراينادا رەسەيدٸڭ زاڭدى تۇلعالارىنىڭ مٷلكٸ مەن قارجىسىن ۇلتتاندىرۋدى مەسەلەسٸ قامتىلعان. الىپ قويۋ تۋرالى شەشٸمدٸ ٷكٸمەتتٸڭ ٶتٸنٸشٸ بويىنشا ۇلتتىق قاۋٸپسٸزدٸك جەنە قورعانىس كەڭەسٸ قابىلدايدى. ٷكٸمەت, سونداي-اق, مەجبٷرلەپ الىپ قويۋعا جاتاتىن وبەكتٸلەردٸڭ تٸزٸمٸن جاسايدى.
28 اقپاندا جوعارعى رادا دەپۋتاتتارى ۋكرايناداعى بارلىق رەسەيلٸك مٷلٸكتٸ تەركٸلەۋ تۋرالى زاڭ جوباسىن دايىنداۋدى ۇسىندى. 3 ناۋرىزدا زاڭ جوباسى رادادا قابىلداندى.
