Ýkraina prezidenti Vladimir Zelenskii kezekti videomálimdemesinde Reseide jariialanǵan mobilizatsiiaǵa qatysty sóz qozǵap, reseilikterge qaiyryldy, dep habarlaidy Azattyq.
Ýkraina prezidenti mobilizatsiiany Resei biliginiń "ondaǵan jyldar boiy ózge eldiń jerin jaýlap alýǵa daiyndaǵan kadrlyq armiiasynyń shydas bermei, toz-tozy shyqqanyn ashyq moiyndaýy" dep atady. Onyń aitýynsha, Ýkrainadaǵy soǵys reseilikter úshin endigári internet nemese teledidardan kóretin nárse emes.
"Nelikten daǵystandyq nemese ózge kez kelgen azamat Harkov nemese Donetsk túbinde opat bolýy tiis? Reseidegi bir adam barlyq azamattyń atynan sheshim qabyldady. Ol solai istegisi keledi. Sizder osy qylmys, adam óltirý men ýkraindardy azaptaý qylmysyna atsalysyp otyrsyzdar. Sebebi siz úndemedińiz. Úndemei otyrsyz. Qazir tańdaý jasaityn ýaqyt keldi" dedi Ýkraina prezidenti.
Zelenskii reseilikterdi narazylyqqa shyǵyp kúresýge, qashýǵa nemese Ýkrainaǵa tutqyn retinde berilýge shaqyrdy.
Resei basshysy Vladimir Pýtin 21 qyrkúiekte elde ishinara mobilizatsiia jariialap, áskerge zapastaǵy áskeriler, qarýly kúshter qatarynda buryn qyzmet etkender, tájiribesi bar áskeri mamandar shaqyrylatynyn aitqan. Qorǵanys ministri Sergei Shoigý mobilizatsiia jarlyǵy aiasynda 300 myńdai adam áskerge tartylatynyn málimdegen.
21 qyrkúiekte Reseidiń 38 qalasynda mobilizatsiiaǵa qarsy narazylyq ótip, myń jarymǵa jýyq adam ustalǵan. Ustalǵandardyń keibirine politsiia bóliminde áskeri komissiariatqa shaqyrý tapsyrylǵan.
Reseimen kórshi elder shekarasynda, onyń ishinde qazaq-orys shekarasynda da kólik keptelisi paida boldy. Buǵan qosa, vizasyz elderge ushatyn reisterge biletter de taýsylǵany habarlandy. Áskeri komissariattan qashqan reseilikter basqa elderge ketip jatyr.
