Ýkraina prezidenti Vladimir Zelenskii soǵys bastalǵaly alǵash ret Resei jýrnalisterine suhbat berdi. Zelenskiimen "Medýza" basylymy men "Dojd" telearnasynyń bas redaktorlary, "Novaia gazetanyń" jýrnalisi Mihail Zygar, "Kommersanttyń" arnaýly tilshisi Vladimir Soloviov sóilesti, dep habarlaidy Azattyq radiosy.
Zelenskiimen áńgime "Medýza" saityna jariialanǵan. Alaida sait qazirgi ýaqytta ashylmai tur.
Roskomnadzor Resei buqaralyq aqparat quraldaryna Zelenskiidiń suhbatyn jariialaýǵa tyiym saldy. Resei bas prokýratýrasy suqbatty jariialaǵan Resei jýrnalisteriniń áreketine quqyqtyq baǵa beriletinin málimdedi.
Jýrnalister Resei áskeri men Resei áreketin qoldaýshylar paidalanyp júrgen, Zelenskiidiń aty-jóni bastalatyn V jáne Z tańbalary Zelenskiidi kózin joiýdyń belgisi me degen suraq qoidy. Ýkraina jetekshisi "Zelenskiidiń kózin joiýmen Ýkrainanyń reseishil saiasatkeri Viktor Medvedchýk toby ainalysqanyn" aitty.
Zelenskii sózine qaraǵanda, Medvedchýktiń ainalasyndaǵylar Resei biliginiń Ýkraina saiasatyna yqpaly azaiyp bara jatqanyn túsinip, aimaqtardaǵy sailaýlar kezinde jergilikti bilikti álsiretýge baǵyttalǵan propagandamen shuǵyldanǵan.
Suhbatta Zelenskii Mariýpol qorshaýy, gýmanitarlyq apat, evakýatsiia jáne tutqyndar máselesin sóz etken. Ýkraina prezidentiniń sózinshe, "Resei tarapynan soǵysqa qatysyp júrgen órimdei jastar kóp, Resei ólgen soldattary týraly aqparatty jasyryp otyr".
Zelenskii soǵys bastalǵaly Resei men reseilikterge degen kózqarasy kúrt nasharlaǵanyn bildirip, Ýkrainany qoldaǵandarǵa alǵys aitty.
Zelenskii sózinshe, "Ýkraina men Resei kelissózinde orys tiliniń statýsy kún tárbinde áli tur, kórshiles Resei, Rýmyniia, Polsha, Vengriia tilderine qurmet arnaýly kelisimde belgilenedi".
