Foto: ashyq derekkóz
Ýkraina prezidenti Vladimir Zelenskii 15 mamyrda Túrkiiada Resei prezidenti Vladimir Pýtinmen betpe-bet kezdesýge daiyn ekenin málimdedi, dep habarlaidy Ult.kz.
«Erteń biz uzaq merzimdi atysty toqtatýdy kútemiz. Bul – diplomatiialyq sheshimge jol ashatyn jalǵyz múmkindik. Adam shyǵynyn odan ári sozýdyń qajeti joq. Men beisenbi kúni Túrkiiada Pýtindi kútemin», – dep jazdy Zelenskii áleýmettik jelide.
Buǵan deiin Vladimir Pýtin kelissózderdi qaita bastaýǵa ázir ekenin aityp, Stambulda aldyn ala sharttarsyz kezdesý ótkizýge usynys jasaǵan edi. Al Ýkraina tarapy 2 mamyrdan bastap 30 kúnge sozylatyn tolyq atysty toqtatýǵa daiyn ekenin habarlady.
Bul bastamanyń Frantsiia prezidenti Emmanýel Makron, Eýropalyq keńes tóraǵasy Donald Týsk, Ulybritaniia oppozitsiia lideri Kiir Starmer jáne Germaniia saiasatkeri Fridrih Mertstiń Kievke saparynan keiin aitylǵany belgili boldy.
