© Reuters
Ýkraina Prezidenti Vladimir Zelenskii Bild-ke bergen suhbatynda Pýtinmen kelissózderi týraly pikir bildirdi. Zelenskiidiń aitýynsha, Kievtiń Resei prezidenti Vladimir Pýtinmen otyryp kelissóz júrgizgennen basqa amaly joq, sebebi soǵysty tek Pýtin toqtata alady, - dep habarlaidy Tengrinews.kz agenttigi "Ýkrinform" portalyna silteme jasap.
"Búginde Ýkrainada kelissóz ústeline otyrǵannan basqa amal joq. Bul soǵysty tek Resei toqtata alady. Soǵys qashan toqtaitynyn tek ol (Pýtin-esk.) sheshedi", - dedi Zelenskii.
Sonymen qatar, Ýkraina basshysy "Resei men reseilik sarbazdardy jek kóretinin" ashyp aitty.
"Kóz aldyma elestegen kezde. Qolynan, aiaǵynan aiyrylyp qaitys bolǵan balalar. Bul sumdyq", - dedi Prezident.
Aita keteiik, Zelenskii buǵan deiin Pýtinmen kelissóz júrgizýge daiyn ekenin birneshe ret aitqan bolatyn.
