Ýkraina prezidenti Vladimir Zelenskii quqyq qorǵaý organdary ókilderinen memleket basshysynyń impichmentin talap etip, mitingige shyqqandarǵa qatysty shara qoldanbaýdy surady, - dep habarlaidy Tengrinews.kz.
"Maǵan qarsy narazylyq sharasyna shyqqan qyz ben jigittiń ustalǵany jaily habar estidim. Eshkimdi de ustaǵan joq, biraq quqyq qorǵaý qorǵaý organdary ondai qatań shara qoldanbaýy kerek edi. Politseiler qyzmettik tekseris júrgizedi. IIM ókilderinen quqyqbuzýshylyq jasamai, tek saiasatqa narazylyq bildirip jatqandarǵa qarsy shara qoldanbaýdy suraimyn. Aitylatyn synnan qoryqpaimyn", - dep jazdy Ýkraina prezidenti Facebook jelisindegi paraqshasynda.
Fakty.ua basylymynyń málimetinshe, mitingte eki adam ustalǵan - 20 jastaǵy jigit pen 16 jastaǵy qyz. Sondai-aq, ustalǵandarǵa qatysty Ýkrainanyń Ákimshilik quqyq buzýshylyq týraly kodeksiniń 185-babynyń 1-bóligi boiynsha ákimshilik hattama toltyrylǵany aitylady.
