Foto: ©REUTERS
Ýkraina prezidenti Vladimir Zelenskii men Ýkraina halqyn Nobel beibitshilik syilyǵyna usyný qarastyrylady, - dep habarlaidy Tengrinews.kz tilshisi eýropalyq saiasatkerlerdiń Nobel komitetine joldaǵan úndeýine silteme jasap.
Ýkraina basshysyn bul syilyqqa eýropalyq saiasatkerler toby, onyń ishinde eýropalyq memleketterdiń burynǵy jáne qazirgi ministrleri, sondai-aq depýtattar usynǵany atap ótilgen.
Olar hatta komitetten beibitshilik jónindegi Nobel syilyǵyna úmitkerlerdi usyný merzimin 2022 jyldyń 31 naýryzyna deiin uzartýdy suraidy. Óitkeni ótinimderdi qabyldaý merzimi aiaqtalǵan jáne ony uzartý týraly sheshim qabyldanbai, jańa úmitkerler qarastyrylmaidy.
"Buryn-sońdy bolmaǵan tarihi oqiǵalardy eskere otyryp, biz beibitshilik jónindegi Nobel syilyǵy komitetin 2022 jylǵy Nobel syilyǵyna usyný protsesin qaita ashýǵa jáne qaita qaraýǵa shaqyramyz. Biz bul - protsedýrany buzý ekenin túsinemiz, biraq qazirgi jaǵdaida ol aqtalady dep sanaimyz", - delingen úndeýde.
Usyný hatyn jiberýshiler Ýkraina halqy demokratiia men ózin-ózi basqarýdy saqtaý úshin kúresip jatqanyn atap ótti.
"Biz Resei ashqan soǵysty bastan ótkergen Ýkraina halqynyń batyldyǵyna kýá bolyp otyrmyz. Ýkraina prezidenti Vladimir Zelenskiiden bastap erjúrek erler men áielder demokratiia men táýelsizdikti saqtaý úshin kúresip jatyr", - delingen taraptar qol qoiǵan hatta.
Beibitshilik jónindegi Nobel syilyǵy - Nobel komitetiniń Oslodaǵy jyl saiynǵy marapaty. Komitet pikirinshe, syilyq beibitshilik isine erekshe úles qosqan adamdar men uiymdarǵa beriledi.
