فوتو: ©REUTERS
ۋكراينا پرەزيدەنتٸ ۆلاديمير زەلەنسكيي مەن ۋكراينا حالقىن نوبەل بەيبٸتشٸلٸك سىيلىعىنا ۇسىنۋ قاراستىرىلادى, - دەپ حابارلايدى Tengrinews.kz تٸلشٸسٸ ەۋروپالىق ساياساتكەرلەردٸڭ نوبەل كوميتەتٸنە جولداعان ٷندەۋٸنە سٸلتەمە جاساپ.
ۋكراينا باسشىسىن بۇل سىيلىققا ەۋروپالىق ساياساتكەرلەر توبى, ونىڭ ٸشٸندە ەۋروپالىق مەملەكەتتەردٸڭ بۇرىنعى جەنە قازٸرگٸ مينيسترلەرٸ, سونداي-اق دەپۋتاتتار ۇسىنعانى اتاپ ٶتٸلگەن.
ولار حاتتا كوميتەتتەن بەيبٸتشٸلٸك جٶنٸندەگٸ نوبەل سىيلىعىنا ٷمٸتكەرلەردٸ ۇسىنۋ مەرزٸمٸن 2022 جىلدىڭ 31 ناۋرىزىنا دەيٸن ۇزارتۋدى سۇرايدى. ٶيتكەنٸ ٶتٸنٸمدەردٸ قابىلداۋ مەرزٸمٸ اياقتالعان جەنە ونى ۇزارتۋ تۋرالى شەشٸم قابىلدانباي, جاڭا ٷمٸتكەرلەر قاراستىرىلمايدى.
"بۇرىن-سوڭدى بولماعان تاريحي وقيعالاردى ەسكەرە وتىرىپ, بٸز بەيبٸتشٸلٸك جٶنٸندەگٸ نوبەل سىيلىعى كوميتەتٸن 2022 جىلعى نوبەل سىيلىعىنا ۇسىنۋ پروتسەسٸن قايتا اشۋعا جەنە قايتا قاراۋعا شاقىرامىز. بٸز بۇل - پروتسەدۋرانى بۇزۋ ەكەنٸن تٷسٸنەمٸز, بٸراق قازٸرگٸ جاعدايدا ول اقتالادى دەپ سانايمىز", - دەلٸنگەن ٷندەۋدە.
ۇسىنۋ حاتىن جٸبەرۋشٸلەر ۋكراينا حالقى دەموكراتييا مەن ٶزٸن-ٶزٸ باسقارۋدى ساقتاۋ ٷشٸن كٷرەسٸپ جاتقانىن اتاپ ٶتتٸ.
"بٸز رەسەي اشقان سوعىستى باستان ٶتكەرگەن ۋكراينا حالقىنىڭ باتىلدىعىنا كۋە بولىپ وتىرمىز. ۋكراينا پرەزيدەنتٸ ۆلاديمير زەلەنسكييدەن باستاپ ەرجٷرەك ەرلەر مەن ەيەلدەر دەموكراتييا مەن تەۋەلسٸزدٸكتٸ ساقتاۋ ٷشٸن كٷرەسٸپ جاتىر", - دەلٸنگەن تاراپتار قول قويعان حاتتا.
بەيبٸتشٸلٸك جٶنٸندەگٸ نوبەل سىيلىعى - نوبەل كوميتەتٸنٸڭ وسلوداعى جىل سايىنعى ماراپاتى. كوميتەت پٸكٸرٸنشە, سىيلىق بەيبٸتشٸلٸك ٸسٸنە ەرەكشە ٷلەس قوسقان ادامدار مەن ۇيىمدارعا بەرٸلەدٸ.
