Búgin, 9 jeltoqsanda Ýkraina men Resei basshylary Frantsiia astanasy Parijde kezdesedi. Kezdesýde Ýkrainanyń shyǵysyndaǵy áskeri janjaldy retteý boiynsha kelisssóz ótedi. Bul áskeri janjalda Ýkrainanyń 2014 jyldan beri 13 myńnan astam adamy qaza bolǵan.
Zelenskii men Pýtin Frantsiia Prezidenti Emmanýel Makron men Germaniia kantsleri Angela Markeldiń qatysatyn «norman formaty» boiynsha kezdesedi. Bul - Ýkraina men Resei basshylarynyń 2016 jyldan bergi alǵashqy kezdesýi. Biyl sáýirde prezident bolyp sailanǵan Zelenkii Pýtinmen birinshi ret kezdeskeli otyr.
Máskeý Ýkrainanyń shyǵysyndaǵy separatist qurylymdar men Kiev áskeri kúshteriniń qaqtyǵysyna tikelei qatysy bar ekenin joqqa shyǵaryp keledi. Alaida, Reseidiń separatisterge áskeri, ekonomikalyq jáne saiasi qoldaý kórsetip kelgeni jáne áskeri qaqtyǵysqa Resei kúshteriniń tikelei qatysy bar ekeni jaily dálelder jii keltiriledi.
2016 jyly qarashada halyqaralyq qylmys soty Ýkrainanyń shyǵysyndaǵy soǵysty «Ýkraina men Resei Federatsiiasy arasyndaǵy halyqaralyq áskeri janjal» dep ataityn qaýly shyǵarǵan edi.
Sarapshylardyń sammit qarsańyndaǵy boljamdaryna qaraǵanda, Kreml reseishil separatister baqylap otyrǵan Ýkraina shyǵysyn Kievke meilinshe yqpal etetin tetik retinde paidalana bergisi keledi.
