Vladimir Zelenskii Qazaqstanmen birlesip meditsinalyq zattardy Qytaidan Ýkrainaǵa jedel jetkizý, sondai-aq ýkrainalyqtardy otanyna qaitarý boiynsha júrgizilip jatqan jumystarǵa joǵary baǵa berdi, dep habarlaidy "Ult aqparat" Ýkraina Prezidentiniń baspasóz qyzmetine silteme jasap.
Buǵan deiin habarlanǵandai, Qazaqstan Elshisi Darhan Káletaev Ýkraina Prezidenti Vladimir Zelenskiige senim gramotalaryn tapsyrdy.
«Qazaqstannyń jańa Elshisimen kezdesý kezinde Ýkraina prezidenti Darhan Amanuly Káletaevty eldegi diplomatiialyq jumysynyń bastalýymen quttyqtady. Vladimir Zelenskii koronavirýs pandemiiasymen kúres Qazaqstanmen ózara tiimdi qarym-qatynastardy jandandyrý protsesine kedergi keltirmeýi tiis ekenin atap ótti. Bul el – Ortalyq Aziiadaǵy mańyzdy jáne ýaqyt synynan ótken seriktesimiz», - dep atap ótti baspasóz qyzmetinde.
Ýkraina Prezidenti Qazaqstanmen birlesip júrgizilgen uiymdastyrý jumysyn joǵary baǵalady. Bul, Qytaidan Ýkrainaǵa meditsinalyq búiymdardy jedel jetkizýge kómektesti. Onymen bir mezgilde eki eldiń júzdegen azamaty otanyna oraldy.
«Ýkraina men ýkrain halqy muny eshqashan umytpaidy. Dos osyndai qiyn sátte synalady», – dep atap ótti Vladimir Zelenskii.
