ۆلاديمير زەلەنسكيي قازاقستانمەن بٸرلەسٸپ مەديتسينالىق زاتتاردى قىتايدان ۋكرايناعا جەدەل جەتكٸزۋ, سونداي-اق ۋكراينالىقتاردى وتانىنا قايتارۋ بويىنشا جٷرگٸزٸلٸپ جاتقان جۇمىستارعا جوعارى باعا بەردٸ, دەپ حابارلايدى "ۇلت اقپارات" ۋكراينا پرەزيدەنتٸنٸڭ باسپاسٶز قىزمەتٸنە سٸلتەمە جاساپ.
بۇعان دەيٸن حابارلانعانداي, قازاقستان ەلشٸسٸ دارحان كەلەتاەۆ ۋكراينا پرەزيدەنتٸ ۆلاديمير زەلەنسكييگە سەنٸم گراموتالارىن تاپسىردى.
«قازاقستاننىڭ جاڭا ەلشٸسٸمەن كەزدەسۋ كەزٸندە ۋكراينا پرەزيدەنتٸ دارحان امانۇلى كەلەتاەۆتى ەلدەگٸ ديپلوماتييالىق جۇمىسىنىڭ باستالۋىمەن قۇتتىقتادى. ۆلاديمير زەلەنسكيي كوروناۆيرۋس پاندەميياسىمەن كٷرەس قازاقستانمەن ٶزارا تيٸمدٸ قارىم-قاتىناستاردى جانداندىرۋ پروتسەسٸنە كەدەرگٸ كەلتٸرمەۋٸ تيٸس ەكەنٸن اتاپ ٶتتٸ. بۇل ەل – ورتالىق ازيياداعى ماڭىزدى جەنە ۋاقىت سىنىنان ٶتكەن سەرٸكتەسٸمٸز», - دەپ اتاپ ٶتتٸ باسپاسٶز قىزمەتٸندە.
ۋكراينا پرەزيدەنتٸ قازاقستانمەن بٸرلەسٸپ جٷرگٸزٸلگەن ۇيىمداستىرۋ جۇمىسىن جوعارى باعالادى. بۇل, قىتايدان ۋكرايناعا مەديتسينالىق بٷيىمداردى جەدەل جەتكٸزۋگە كٶمەكتەستٸ. ونىمەن بٸر مەزگٸلدە ەكٸ ەلدٸڭ جٷزدەگەن ازاماتى وتانىنا ورالدى.
«ۋكراينا مەن ۋكراين حالقى مۇنى ەشقاشان ۇمىتپايدى. دوس وسىنداي قيىن سەتتە سىنالادى», – دەپ اتاپ ٶتتٸ ۆلاديمير زەلەنسكيي.
