Ýkraina prezidenti Vladimir Zelenskii Eýropalyq Odaq (EO) úshin "eldi qaýymdastyqqa qabyldaý sheshimin keshiktirýge bolmaidy" dep esepteidi. Bul týraly QazAqparat Ýkraina prezidentiniń resmi Telegram-kanalyna silteme jasap habarlaidy.
«Qazir biz Ýkrainanyń Eýropalyq Odaqqa kirý jolyn salyp jatyrmyz. Osy jerde sizderden sheshim qabyldaýda keshikpeýlerińizdi ótinemin. <...> Kim ne nársege laiyq ekenin kórip tursyzdar, Ýkraina jaqyn arada EO-ǵa múshe bolýy kerek <...>, bizde mundai múmkindik bar», - dedi ol Eýropalyq Keńeske arnaǵan sózinde. Beinejazba juma kúni Ýkraina prezidentiniń Telegram-kanalynda jariialanǵan.
«Litva – biz úshin, Latviia – biz úshin, Estoniia, Polsha da. Frantsiia, Emmanýel (Makron), bizdi qoldaitynyńyzǵa senemin», - dedi Zelenskii.
«Vengriia – osy jerde toqtap, birinshi jáne sońǵy ret ashyq aitqym keledi. Kimdi qoldaýdy ózderińiz sheshýlerińiz kerek. Sizder egemendi derjavasyzdar», - dep jalǵastyrdy Ýkraina Prezidenti.
Respýblikanyń premer-ministri Viktor Orbanǵa «sen» dep sóilegen Zelenskii ony «sanktsiia salýdan (Reseige qarsy) tartyný-tartynbaý, óz shekarasy arqyly qarý-jaraq ótkizý-ótkizbeý jáne Reseimen saýda júrgizý ne júrgizbeýge qatysty oilanyp júrgeni úshin aiyptady.
«Oilanatyn ýaqyt joq, sheshim qabyldaityn kez keldi. Sizge senemiz, bizge sizdiń qoldaýyńyz qajet, halqyńyzǵa, Eýropalyq Odaqqa senemiz. Sheshýshi sátte Germaniianyń da bizben birge bolatynyna senemiz», - dedi prezident.
